U-Eksodasi 5:2 - iBhayibhili Elingcwele 1978

² Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

IBhayibhili Elingcwele LesiNdebele

² UFaro wathi, “Ungubani uThixo okufanele ngimlalele ngivumele abako-Israyeli ukuba bahambe na? Mina kangimazi uThixo, njalo kangiyikubavumela abako-Israyeli ukuba bahambe.”

U-Eksodasi 5:2 ပူးပေါင်းရင်းမြစ်များ

2 AmaKhosi 18:35

Nguwuphi kubo bonke onkulunkulu balawomazwe okhulule ilizwe lakhe esandleni sami, ukuba iNkosi uNkulunkulu ikhulule iJerusalema esandleni sami na?

2 ImiLando 32:14

Nguwuphi kubo bonke onkulunkulu balezozizwe okhokho abazichithayo owaba lamandla okukhulula abantu bakhe esandleni sami, ukuba uNkulunkulu wenu abe lamandla okulikhulula lina esandleni sami na?

2 ImiLando 32:15

Ngalokhoke lingamvumeli uHezekiya ukuba alikhohlise aliduhise ngalindlela, lingamkholwa, ngoba kakukho unkulunkulu owasiphi isizwe lowawuphi umbuso obe lamandla okukhulula abantu bakhe esandleni sami lesabokhokho bami. Phoke, owenu uNkulunkulu angalikhulula kanjani esandleni sami na?

2 ImiLando 32:19

Zakhuluma ngoNkulunkulu waseJerusalema njengokukhuluma kwazo ngonkulunkulu bezinye izizwe zasemhlabeni abangumsebenzi wabantu.

UNehemiya 9:10

wenza izibonakaliso ezimangalisayo kuFaro lakuzo zonke inceku zakhe lakubo bonke abantu belizwe lakhe, ngoba wazi ukuba benza okubi kubokhokho; wazenzela ibizo njengalamhlanje.

UJobe 15:25

Ngoba uselulile isandla sakhe ukulwa loNkulunkulu, ezama ukumelana loSomandla,

UJobe 15:26

emdumela ngamandla akhe esihlangu sakhe esiqinisiweyo.

UJobe 21:15

Uyini uSomandla ukuba simkhonze na? Sizazuzani uba sikhuleka kuye na?

AmaHubo 10:4

Ekuzigqajeni kwakhe omubi uthi: Kangilandaba leNkosi; yonke imicabango yakhe ithi: Kakho uNkulunkulu.

AmaHubo 12:4

labo abathi: Sizakunqoba ngolimi lwethu, imilomo yethu ngeyethu njalo; ngubani ongasibusa na?

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 14:1

Isithutha sithi enhliziyweni yaso: KakulaNkulunkulu. Abantu bonakele, benza imisebenzi emibi; kakho lamunye owenza okuhle.

U-Eksodasi 3:19

Ngiyazi ukuthi inkosi yaseGibithe kayiyikulivumela lihambe ngaphandle kokuthi ibanjwa ngamandla.

U-Eksodasi 7:17

INkosi ithi: Ngalokhu uzakwazi ukuthi ngiyiNkosi; ngizatshaya amanzi omfula ngentonga esesandleni sami, aphenduke abe ligazi.

Izaga 30:9

funa ngisuthe, ngikuphike ngithi: Ngubani iNkosi? Kodwa uba ngingumyanga, ngingeba, ngilone ibizo likaNkulunkulu wami.

UJeremiya 42:13

Kodwa uba lisithi: Kasiyikuhlala kulelilizwe; lingalilaleli ilizwi leNkosi uNkulunkulu wenu,

UJeremiya 48:26

Mdakiseni, ngoba ezikhukhumezile eNkosini; iMowabi lizazibhixa emahlanzweni alo, libe yinhlekisa.

UDanyeli 3:15

Khangelani, uba selilungile, lapho lisizwa ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, liwe phansi, likhuleke esithombeni engisenzileyo, kuzabe kulungile; kodwa uba lingakhuleki, lizaphoselwa masinyane esithandweni somlilo ovuthayo. Nguwuphi unkulunkulu ozakulikhulula ezandleni zami na?

UJohane 16:3

Bazakwenza lokhu ngoba bengamazanga uBaba lami;

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

Abahluleli 2:10

Laso sonke lesosizukulwana safa, sambelwa kwabakibo; kwavela esinye emva kwaso esasingayazi iNkosi lomsebenzi eyayiwenzele uIsrayeli.

1 USamuyeli 2:12

Amadodana kaEli ayengabantu ababi; ayengayazi iNkosi.

1 USamuyeli 25:10

UNabali waziphendula inceku zikaDavida, wathi: Ngubani uDavida na? Ngubani lindodana kaJese na? Lamuhla zinengi inceku ezibalekayo emakhosini azo.