U-Eksodasi 32:7 - iBhayibhili Elingcwele 1978

⁷ INkosi yasisithi kuMose: Suka wehle, ngoba abantu bakho owabakhupha eGibithe benzile okubi;

IBhayibhili Elingcwele LesiNdebele

⁷ Lapho-ke uThixo wathi kuMosi, “Yehla uye phansi ngoba abantu bakho owabakhupha elizweni laseGibhithe sebegcwele ububi.

U-Eksodasi 32:7 ပူးပေါင်းရင်းမြစ်များ

2 ImiLando 27:2

Wenza okulungileyo phambi kweNkosi njengokwenza konke kukayise uUziya, kodwa yena kangenanga ethempelini leNkosi; abantu babelokhu besenza imikhuba emibi.

AmaHubo 78:36

Kodwa bamkhohlisa ngemilomo yabo, baqamba amanga kuye ngenlimi zabo.

U-Eksodasi 19:24

INkosi yathi kuye: Yehla, ubuye ukhwele uze kimi kanye loAroni; kodwa abapristi labantu ungabavumeli ukuba bafohle beze eNkosini, funa ibadumele.

U-Eksodasi 32:1

Abantu sebebonile ukuthi uMose ulibele ukwehla entabeni, babuthana kuAroni bathi kuye: Suka, usenzele onkulunkulu abazakuhamba phambi kwethu; ngoba uMose lowo, umuntu owasikhupha elizweni laseGibithe, kasazi ukuthi wehlelwe yini.

U-Eksodasi 32:11

Kodwa uMose wayincenga iNkosi uNkulunkulu wakhe wathi; Nkosi, ulaka lwakho lubavuthelelani abantu bakho owabakhupha elizweni laseGibithe ngamandla amakhulu langesandla esiqinileyo na?

U-Eksodasi 32:4

Walamukela igolide kibo, walikhanda wenza ngalo ithole elikhandiweyo, bathi: Nangu unkulunkulu wakho, Israyeli, okukhuphe elizweni laseGibithe.

U-Eksodasi 33:1

INkosi yathi kuMose: Khuphuka lapha wena labantu owabakhupha elizweni laseGibithe, uye elizweni engalifungela kuAbrahama lakuIsaka lakuJakobe ngathi: Inzalo yakho ngizakuyinika lona.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

UDutheronomi 32:5

Bonile kuye, kabasibo abantwana bakhe ngenxa yesici sabo, bayisizukulwana esiphambeneyo lesingaqondanga.

UDutheronomi 4:16

xwayani funa lone, lizenzele isithombe esibaziweyo sowesilisa loba sowesifazana,

UDutheronomi 9:12

Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.

UDutheronomi 9:8

LaseHorebe layithukuthelisa, yaze yafisa ukulichitha ngenxa yokuthukuthela kwayo okukhulu.

Abahluleli 2:19

Kodwa kuthi lapho umahluleli esefile, babuyele emuva benze okubi ukwedlula okhokho babo, balandele abanye onkulunkulu, babakhonze bakhothame kibo; kabayekelanga lokukodwa kwezenzo zabo lokwendlela zabo zenkani.