U-Eksodasi 32:1 - iBhayibhili Elingcwele 1978

¹ Abantu sebebonile ukuthi uMose ulibele ukwehla entabeni, babuthana kuAroni bathi kuye: Suka, usenzele onkulunkulu abazakuhamba phambi kwethu; ngoba uMose lowo, umuntu owasikhupha elizweni laseGibithe, kasazi ukuthi wehlelwe yini.

IBhayibhili Elingcwele LesiNdebele

¹ Kwathi lapho abantu bebona uMosi esephuzile ukwehla entabeni, babuthana ku-Aroni bathi kuye, “Lalela, senzele onkulunkulu abazahamba phambi kwethu, ngoba umuntu lo, uMosi owasikhupha elizweni laseGibhithe, asikwazi osekwenzakale kuye.”

U-Eksodasi 32:1 ပူးပေါင်းရင်းမြစ်များ

UGenesisi 19:14

ULoti wasephuma, wakhuluma labakhwenyana bakhe ababezakuthatha amadodakazi akhe, wathi: Sukani liphume kulindawo; ngoba iNkosi izabhubhisa umuzi. Kodwa waba njengosomayo emehlweni abakhwenyana bakhe.

UGenesisi 21:26

UAbimeleki wathi: Angazi ukuthi lokhu kwenziwe ngubani; lawe kawungitshelanga, futhi lami kangizwanga ngakho, kuze kube lamhla.

UGenesisi 39:8

Kodwa wala, wathi enkosikazini: Khangela, inkosi yami kayikwazi engilakho endlini, ingiphathisile konke okwayo;

UGenesisi 44:15

UJosefa wasesithi kubo: Kuyini lokhu elikwenzileyo na? Belingazi ukuthi umuntu onjengami anganuka njengesanuse na?

UGenesisi 44:4

Esephumile emzini, engakabi khatshana, uJosefa wathi kumphathi wendlu yakhe: Suka ulandele lawomadoda; lapho usuwaficile uthi kuwo: Liphindiseleni okuhle ngokubi na?

AmaHubo 106:19

Benza ithole eHorebe, bakhonza isithombe esibunjiweyo.

U-Eksodasi 13:21

INkosi yahamba phambi kwabo emini ngensika yeyezi ukubahola endleleni, lasebusuku ngensika yomlilo ukubakhanyisela, ukuze bahambe emini lebusuku.

U-Eksodasi 14:11

bathi kuMose: Kungoba kwakungekho mangcwaba eGibithe ukuthi usikhuphele ukuba sifele enkangala na? Usikhupheleni eGibithe na?

U-Eksodasi 16:3

lathi kubo: Kungathi ngabe safa ngesandla seNkosi elizweni laseGibithe lapho sasihlezi khona ngasezimbizeni zenyama, sisidla sisutha; ngoba lisilethe kulinkangala ukuba libulale lonke lelibandla ngendlala.

U-Eksodasi 20:23

Lingenzi onkulunkulu besiliva ukuba babe khona kanye lami, lingazenzeli onkulunkulu begolide.

U-Eksodasi 24:12

INkosi yasisithi kuMose: Khwela uze kimi entabeni, uhlale khona; ngizakukunika amatshe engilobe kuwo umlayo lemithetho ukuba ubafundise yona.

U-Eksodasi 24:18

UMose wakhwela entabeni, wangena eyezini; wahlala entabeni insuku ezingamatshumi amane lobusuku obungamatshumi amane.

U-Eksodasi 32:11

Kodwa uMose wayincenga iNkosi uNkulunkulu wakhe wathi; Nkosi, ulaka lwakho lubavuthelelani abantu bakho owabakhupha elizweni laseGibithe ngamandla amakhulu langesandla esiqinileyo na?

U-Eksodasi 32:22

UAroni wathi: Kalungavuthi ulaka lwenkosi yami; uyabazi abantu ukuthi bathanda ububi.

U-Eksodasi 32:23

Ngoba bathi kimi: Senzele onkulunkulu abazakuhamba phambi kwethu; ngoba uMose lowo owasikhupha elizweni laseGibithe, kasazi ukuthi usehlelwe yini.

U-Eksodasi 32:7

INkosi yasisithi kuMose: Suka wehle, ngoba abantu bakho owabakhupha eGibithe benzile okubi;

U-Eksodasi 33:3

Uye elizweni eligcwele uchago lenyosi; kodwa kangiyikuhamba lani funa ngiliqede endleleni, ngoba lingabantu abanhliziyo zilukhuni.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHosiya 12:13

INkosi yamkhupha uIsrayeli eGibithe ngomprofethi, walondolozwa ngumprofethi.

UMikha 6:4

Ngoba ngalikhupha elizweni laseGibithe, ngalihlenga endaweni yobugqili; ngathumela oMose loAroni loMiriyamu ukuba balihole.

AmaNani 14:22

bonke abantu ababone inkazimulo yami lezibonakaliso zami engazenza eGibithe lasenkangala, abangilingileyo izikhathi ezilitshumi bengezwanga ilizwi lami,

UMatewu 24:43

Kodwa yazini lokhu kokuthi, uba umnumzana ebesazi isikhathi isela elizafika ngaso, ubezakulinda, angavumi ukuba indlu yakhe ifohlelwe.

UMatewu 24:48

Kodwa nxa leyonceku embi icabanga isithi: Inkosi yami ilibele;

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

Imisebenzi 19:26

njalo liyabona, liyazi futhi ukuba kakusikho lapha eEfesu kodwa kuphose ukuba kube kulo lonke elaseAsiya uPawuli lo ubaphambukisile abantu ngokubenza bakholwe ukuthi kayisibo onkulunkulu abenziwe ngezandla.

Imisebenzi 7:40

bathi kuAroni: Senzele onkulunkulu abazakuhamba phambi kwethu; ngoba uMose lowo owasikhupha elizweni laseGibithe, kasazi ukuba wehlelwe yini.

UDutheronomi 31:8

INkosi uqobo ihamba phambi kwenu; izakuba lani, ingalilahli, ingalitshiyi; lingesabi, lingakhathazeki.

UDutheronomi 9:1

Zwana, Israyeli; uzakuchapha iJordani lamuhla, ungene uthumbe ilizwe lezizwe ezinkulu lezilamandla kulawe, lemizi emikhulu ebiyelwe ngemithangala efika phezulu.

UDutheronomi 9:9

Sengikhwele entabeni ukwamukela amatshe esivumelwano iNkosi eyasenza lani, ngahlala entabeni insuku ezingamatshumi amane lobusuku obungamatshumi amane, ngingadli kudla, nginganathi manzi.

UJoshuwa 7:13

Suka, ubuthanise abantu, uthi kibo: Zihlambululeni ngenxa yosuku lwakusasa libe ngcwele; ngoba iNkosi, uNkulunkulu kaIsrayeli, ithi: Kukhona izinto ezinikelwe eNkosini eziphakathi kwenu, lina Israyeli; lingeke lime phambi kwezitha zenu lingakakhuphi phakathi kwenu izinto ezinikelweyo.

2 UPhethro 3:4

besithi: Singaphi isithembiso sokufika kwakhe na? Ngoba sekulokho obaba bafa, konke kumi kunjalo njengasekuqaleni kokudalwa.