U-Eksodasi 3:7 - iBhayibhili Elingcwele 1978

⁷ INkosi yasisithi: Impela ngibonile ukuhlupheka kwabantu bami abaseGibithe, ngizwile ukukhala kwabo ngenxa yabacindezeli babo; ngiyalwazi usizi lwabo;

IBhayibhili Elingcwele LesiNdebele

⁷ UThixo wasesithi, “Impela ngilubonile usizi lwabantu bami eGibhithe. Ngibazwile bekhala ngenxa yezinduna zezigqili ezibancindezelayo, njalo ngiyakhathazeka ngokuhlupheka kwabo.

U-Eksodasi 3:7 ပူးပေါင်းရင်းမြစ်များ

UGenesisi 16:11

Isithunywa seNkosi sathi kuyo: Khangela, usuzithwele, uzazala indodana; uyithe ibizo uthi nguIshmayeli, ngoba iNkosi isizwile ukuhlupheka kwakho.

UGenesisi 18:21

ngakho ngizakwehla ngibone ukuthi izenzo zabo ezimbi zinkulu yini njengokukhala osekufike kimi; uba kungenjalo ngizakukubona.

UGenesisi 21:17

UNkulunkulu wezwa ilizwi lomntwana. Isithunywa sikaNkulunkulu samemeza uHagari sisezulwini, sathi kuye: Ukhalelani, Hagari? Ungesabi, ngoba uNkulunkulu usezwile ilizwi lomfana lapho akhona.

UGenesisi 29:32

ULeya wathatha isisu, wazala indodana, wayitha ibizo wathi nguRubeni, ngoba wathi: INkosi ibonile inhlupheko yami; khathesi indoda yami izakungithanda.

UGenesisi 31:12

Sathi: Phakamisa amehlo akho ubone ukuthi zonke impongo ezikhwela umhlambi zingamaqamule zilamabala; ngoba ngibonile konke akwenze kuwe uLabani.

UGenesisi 31:42

Uba ebengelami uNkulunkulu kababa, uNkulunkulu kaAbrahama lowo owesatshwa nguIsaka, impela ubuzakungixotsha ngize. Kodwa uNkulunkulu ubonile inhlupheko zami lomsebenzi wezandla zami, wakusola ebusuku okudlulileyo.

2 USamuyeli 22:28

Uyakhulula abantu abathobekileyo, kodwa amehlo akho aphezu kwabazigqajayo ukubehlisela phansi.

2 AmaKhosi 13:4

Ujehowahazi wakhuleka eNkosini, iNkosi yamuzwa, ngoba yabona ukuba inkosi yaseSiriya ibacindezela abakoIsrayeli kanjani.

2 AmaKhosi 20:5

Buyela umtshele uHezekiya umbusi wabantu bami ukuthi iNkosi, uNkulunkulu kaDavida ukhokho wakho, ithi: Ngiwuzwile umkhuleko wakho, ngabona lenyembezi zakho; ngizakukusilisa; ngosuku lwesithathu uzakuya ethempelini.

UNehemiya 9:9

Wakubona ukuhlupheka kwabokhokho eGibithe, wezwa ukukhala kwabo ngasoLwandle oluBomvu,

AmaHubo 106:44

Loba kunjalo yabona ukuhlupheka kwabo, lapho isizwa ukukhala kwabo.

AmaHubo 12:6

Amazwi eNkosi angamazwi ahlambulukileyo, anjengesiliva esihlanjululwe esithandweni somlilo, sihlanjululwe kasikhombisa.

AmaHubo 142:3

Lapho umoya wami uphela amadla, wena uyayazi indlela yami. Endleleni engihamba kuyo bangithiyile khona.

AmaHubo 145:19

Iyakholisa isifiso sabo bonke abayesabayo; iyezwa lokukhuleka kwabo, ibakhulule.

AmaHubo 22:24

Ngoba kayimdelelanga ohluphekayo, kayinengwanga yikuhlupheka kwakhe; kayimfihlelanga ubuso bayo, kodwa lapho ekhala kuyo, imzwile.

AmaHubo 34:4

Ngakhuleka eNkosini, yangizwa, yangikhulula kukho konke ukwesaba kwami.

AmaHubo 34:6

Lesisihlupheki sakhala eNkosini, yasizwa, yasikhulula kuzo zonke inkathazo zaso.

AmaHubo 35:22

Nkosi, usukubonile; ungathuli. Nkosi, ungabi khatshana lami.

AmaHubo 9:14

ukuze ngihube udumo lwakho, ngithabe emasangweni eZiyone ngokungikhulula kwakho.

U-Eksodasi 1:11

Ngakhoke basebebabekela izinduna zokubasebenzisa ezabahlupha ngemithwalo enzima. Bamakhela uFaro imizi leziphala, iPithoma leRamesesi.

U-Eksodasi 1:8

Kwasekuvela inkosi entsha eGibithe eyayingamazi uJosefa.

U-Eksodasi 22:23

Uba libahlupha, bakhale kimi, ngizakuzwa ukukhala kwabo,

U-Eksodasi 33:13

Ngakhoke uba ngifumene umusa emehlweni akho, ngitshengisa indlela zakho khathesi, ukuba ngikwazi, ngifumane umusa emehlweni akho; khumbula futhi ukuthi isizwe lesi singabantu bakho.

U-Eksodasi 5:10

Ababonisi lezinduna zabantu baphuma, batshela abantu bathi: UFaro uthi: Kangisayikulinika utshani;

U-Eksodasi 5:6

Ngalolosuku uFaro walaya ababonisi babantu lezinduna zabo wathi:

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

AmaNani 20:16

Sakhala eNkosini, yasizwa, yathuma isithunywa sayo, yasikhupha eGibithe; khathesi sesilapha eKadeshi, umuzi osemkhawulweni welizwe lakho.

Imisebenzi 7:34

Ngikubonile impela ukuhlutshwa kwabantu bami abaseGibithe, ngizwile ukububula kwabo; ngehlile ukuba ngibakhulule. Wozake, ngizakukuthuma eGibithe.

AmaHebheru 4:15

Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono.

1 USamuyeli 9:16

Kusasa ngalesisikhathi ngizathumela kuwe umuntu ovela elizweni lakoBenjamini, umgcobe abe ngumbusi wabantu bami uIsrayeli; uzakhulula abantu bami ezandleni zamaFilistiya. Ngibonile ukuhlupheka kwabantu bami, lokukhala kwabo kufinyelele kimi.