U-Eksodasi 27:9 - iBhayibhili Elingcwele 1978

⁹ Uzakwenza iguma leTabernakeli, libe sohlangothini olungaseningizimu lamakhetheni elembu elihle lentambo ephothiweyo, ubude bawo bube zingalo ezilikhulu ohlangothini lunye;

IBhayibhili Elingcwele LesiNdebele

⁹ “Lilungise iguma lethabanikeli. Ubude becele lezansi bube zingalo ezilikhulu njalo libe lamakhetheni elembu eliphethwe kuhle,

U-Eksodasi 27:9 ပူးပေါင်းရင်းမြစ်များ

1 AmaKhosi 6:36

Iguma elingaphakathi walakhela ngamatshe abaziweyo ayimizila emithathu, wafaka umzila owodwa wezigodo zemikusu.

1 AmaKhosi 8:64

Ngalona lolosuku uSolomoni wayahlukanisela iNkosi indawo ephakathi kweguma elalingaphambi kwethempeli, ngoba lapho wanikela iminikelo yokutshiswa leminikelo yempuphu, lamahwahwa eminikelo yokuthula, ngoba ialtare lethusi elaliphambi kweNkosi lalilincinyane kakhulu ukutshisela kulo umnikelo wokutshiswa lomnikelo wempuphu lamahwahwa eminikelo yokuthula.

2 ImiLando 33:5

Wakhela zonke inkanyezi zaphezulu ama‐altare emagumeni womabili ethempeli.

2 ImiLando 4:9

Wenza iguma labapristi leguma elikhulu, lezivalo zeguma, wazinameka ngethusi izivalo.

AmaHubo 100:4

Ngenani emasangweni ethempeli layo ngokubonga, lasemagumeni alo ngokudumisa. Ibongeni, lidumise ibizo layo.

AmaHubo 116:19

emagumeni endlu yeNkosi, phakathi kwakho, Jerusalema. Dumisani iNkosi!

AmaHubo 84:10

Ngoba usuku olulodwa emagumeni akho luhle ukwedlula eziyinkulungwane ezikwenye indawo. Kungcono ukuba ngihlale emnyango wendlu kaNkulunkulu wami kulokuba ngihlale emathenteni ababi.

AmaHubo 92:13

Bagxunyekiwe endlini yeNkosi, bayakhahlela emagumeni ethempeli likaNkulunkulu wethu.

U-Eksodasi 27:10

insika zawo ezingamatshumi amabili lenyawo zazo ezingamatshumi amabili zibe ngezethusi, kodwa ingwegwe zezinsika lezibopho zazo zibe ngezesiliva.

U-Eksodasi 35:17

amakhetheni eguma, lensika zalo, lenyawo zalo, leveli lesango leguma;

U-Eksodasi 36:17

Wenza izihitshela ezingamatshumi amahlanu emphethweni weveli elisekucineni kwamaveli amahlanu, lezihitshela ezingamatshumi amahlanu emphethweni weveli elisekucineni kwamanye amaveli ayisithupha.

U-Eksodasi 39:40

amakhetheni eguma, lensika zalo, lenyawo zalo, leveli lomnyango weguma, lentambo zalo lezikhonkwane zalo, lempahla yonke yenkonzo yeTabernakeli leyethente lokuhlangana,

U-Eksodasi 40:33

Walungisa iguma lazingelezela iTabernakeli lealtare, walengisa iveli lomnyango weguma. UMose wasewuqeda umsebenzi.

U-Eksodasi 40:8

Umise iguma inxa zonke, ulengise iveli lomnyango weguma.

UHezekhiyeli 40:14

Waselinganisa indlu esekungeneni, yaba zingalo ezingamatshumi amabili; kwakukhona iguma elizingelezele indlu engasekungeneni kwesango.

UHezekhiyeli 40:17

Wasengisa egumeni elingaphandle, kwakukhona lapho izindlwana lendawo egandelweyo kuzingelezele iguma, izindlwana ezingamatshumi amathathu zingaphambi kwendawo egandelweyo.

UHezekhiyeli 40:20

kwakukhona lapho isango elalikhangele inyakatho, lilisango leguma langaphakathi. Walinganisa ubude balo lobubanzi balo.

UHezekhiyeli 40:23

Maqondana lesango ngasenyakatho, njengasempumalanga, kwakukhona isango leguma, walinganisa kusukela esangweni kusiya esangweni, kwaba zingalo ezilikhulu.

UHezekhiyeli 40:28

Wasengiletha egumeni elingaphakathi ngesango laseningizimu, walinganisa isango laseningizimu, lalilingana lamanye.

UHezekhiyeli 40:32

Wasengisa egumeni elingaphakathi ngasempumalanga, walinganisa isango, lalilingana lamanye.

UHezekhiyeli 40:44

Wasengingenisa egumeni elingaphakathi, kwakukhona egumeni elingaphakathi izindlu ezimbili, enye ingasesangweni elingasenyakatho, ikhangele iningizimu, lenye ingasesangweni elingaseningizimu, ikhangele inyakatho.

UHezekhiyeli 42:3

Endaweni eseleyo eyizingalo ezingamatshumi amabili eyayihlangene lendlu engaphakathi ledundulwini eligandelweyo elegceke elingaphandle, kwakukhona imikhandlo emithathu eyelekeneyo efananayo.

AmaNani 3:26

lamakhetheni eguma, leveli lomnyango weguma elizingelezele iTabernakeli lealtare, lezintambo zazo zonke lezizinto.

AmaNani 4:26

lamakhetheni eguma, leveli lomnyango weguma elizingelezele iTabernakeli lealtare, lezintambo zakhona, lempahla yonke yenkonzo yabo; bazakwenza konke okufanele kwenzelwe lezizinto.

AmaNani 4:32

lensika zeguma inxa zonke, lenyawo zazo, lezikhonkwane, lezintambo, lempahla yazo yonke. Uzakubaqamba ngamabizo, utshele omunye lomunye ukuthi uzakuthwalani.