U-Eksodasi 27:3 - iBhayibhili Elingcwele 1978

³ Wenze izimbiza zokususa umlotha walo, lamafotsholo alo, lemiganu yalo yokuchela, lamafolokwe alo, lezitsha zalo zokuthwala umlilo, uzenze zonke izinto zalo ngethusi.

IBhayibhili Elingcwele LesiNdebele

³ Izinto zonke ezizasetshenziswa kulo uzazenza ngethusi, imbiza zalo zokubutha umlotha, amafotsholo alo, imiganu yokuchela, amafologwe enyama kanye lezindengezi zokubasela umlilo.

U-Eksodasi 27:3 ပူးပေါင်းရင်းမြစ်များ

1 AmaKhosi 7:40

UHiramu wenza lezimbiza lamafotsholo lemiganu yokuchela. UHiramu waseqeda wonke umsebenzi ayewenzela uSolomoni endlini yeNkosi,

1 AmaKhosi 7:45

imbiza lamafotsholo lemiganu yokuchela, zonke lezizinto ezazisendlini yeNkosi uNkulunkulu uHiramu azenzela inkosi uSolomoni zazingezethusi elikhazimulayo.

1 AmaKhosi 7:50

lezinkezo, lezindlawu, lemiganu yokuchela, lemiganu yempepha, lezitsha zokuthwala umlilo, wakwenza ngegolide elihle; lamabhanti ezivalo zendlwana engaphakathi, yindawo engcwele kakhulu, lamabhanti ezivalo zethempeli, wakwenza ngegolide.

2 AmaKhosi 25:14

Athatha izimbiza, lamafotsholo, lezindlawu, lezitsha zempepha, lezitsha zonke zethusi ezazisetshenziswa ethempelini,

2 AmaKhosi 25:15

kanye lezitsha zokuthwala umlilo lemiganu yokuchela. Okwakwenziwe ngegolide induna yabalindi yakuthatha, lalokho okwakwenziwe ngesiliva yakuthatha.

1 ImiLando 28:17

Wamtshela langobunzima begolide elihle lamafolokwe, lobemiganu yokuchela lobezinkezo, lobunzima baleso lalesositsha segolide, lobaleso lalesositsha sesiliva.

2 ImiLando 4:11

UHuramu wenza izimbiza lamafotsholo lemiganu yokuchela. Wasewuqeda umsebenzi ayewenzela uSolomoni endlini kaNkulunkulu,

2 ImiLando 4:16

izimbiza lamafotsholo lamafolokwe, zonke lezizinto uHuramu wazenzela inkosi uSolomoni ngethusi elikhazimulayo zibe ngezethempeli.

U-Eksodasi 24:6

UMose wathatha ingxenye yegazi, wayithela emiganwini; lengxenye wayikhaphazela ealtareni.

U-Eksodasi 27:19

Zonke izinto zomsebenzi weTabernakeli lezikhonkwane zalo zonke kanye lazo zonke izikhonkwane zeguma zizakuba ngezethusi.

U-Eksodasi 27:2

Uzakwenza impondo zalo engonsini zalo zozine, ukuba lona lempondo zalo kube yintonye kanye lalo; ulibhade ngethusi.

U-Eksodasi 27:4

Ulenzele isihlengo sethusi esinjengembule, wenze phezu kwalo amasongo amane ethusi ngasengonsini zalo;

U-Eksodasi 38:3

Wenza zonke izinto zealtare, izimbiza lamafotsholo lemiganu yokuchela lamafolokwe lezitsha zokuthwala umlilo, wazenza zonke ngetliusi.

ULevi 16:12

Agcwalise umganu wokutshisela impepha ngamalahle omlilo asealtareni phambi kweNkosi, agcwalise lezandla zakhe ngempepha elephunga elimnandi icholisisiweyo, akulethe ngaphakathi kweveli,

AmaNani 4:14

babeke kulo zonke izinto zealtare ezisetshenziswa enkonzweni, izitsha zalo zokuthwala umlilo, lamafolokwe, lamafotsholo, lemiganu yokuchela, lazo zonke izinto zealtare, bendlale phezu kwalezizinto izinzwezwe, bafake imijabo yalo.