U-Eksodasi 2:3 - iBhayibhili Elingcwele 1978

³ Kwathi engaselakuyifihla wayenzela isitsha semizi, wasibhada ngengcino langodaka, wamfaka umntwana kuso, wasibeka emihlangeni ngasokhunjini lomfula.

IBhayibhili Elingcwele LesiNdebele

³ Kodwa kwathi lapho sekusehlula ukuthi amfihle, wenza isitsha semizi, wasibhada ngodaka lengcino. Wafaka umntwana phakathi kwaso wayasibeka okhunjini lomfula uNayili phakathi kwemihlanga.

U-Eksodasi 2:3 ပူးပေါင်းရင်းမြစ်များ

UGenesisi 11:3

Basebekhulumisana besithi: Wozani, asenzeni izitina sizitshise kuhle. Izitina zaba ngamatshe abo, lengcino yaba ludaka lwabo.

UGenesisi 14:10

Isigodi saseSidima sasigcwele imigodi yengcino, inkosi yaseSodoma leyaseGomora abaleka, awela kuyo; kodwa amanye aphepha, abalekela entabeni,

UGenesisi 6:14

Yakha umkolo ngezigodo zephane, wenze izigaba phakathi kwawo, uwubhade ngengcino ngaphakathi langaphandle.

U-Eksodasi 1:22

UFaro wabalaya bonke abantu bakhe wathi: Wonke amadodana azalwayo koIsrayeli alibowaphosela emfuleni, kodwa wonke amadodakazi alibowayekela aphile.

U-Isaya 18:2

elithuma izithunywa emfuleni iNile ngemikolo yemihlanga! Hambani, lina zithunywa ezilejubane, liye ebantwini abade lababutshelezi, abantu abesatshwa eduze lakhatshana, liye esizweni esilamandla lesinqobayo, esilelizwe elidatshulwe yimifula.

U-Isaya 19:6

lemigelo yalo izakunuka, lezifudlana zeNile zizakuncipha, zitshe, kubune imihlanga lebhuma.

U-Isaya 35:7

itshebetshebe elitshisayo libe lichibi, lomhlabathi owomileyo ugobhoze amanzi. Lapho kwakuhlala khona amakhanka kuzakuba lidlelo lemihlambi, lotshani bube yimihlanga lebhuma.

UMatewu 2:13

Sezisukile, isithunywa seNkosi sabonakala kuJosefa ephupheni sisithi: Vuka, uthathe umntwana lonina ubalekele eGibithe, uhlale khona ngize ngikutshele; ngoba uHerodi uzakumfuna umntwana ukuze ambulale.

UMatewu 2:16

Kwathi uHerodi, esebonile ukuthi izazi zimphicile, wathukuthela kakhulu, wathumela wabulala bonke abafana baseBetlehema lasendaweni yonke yakhona, abaleminyaka emibili langaphansi, njengesikhathi abesibuzisisile kuzo izazi.

Imisebenzi 7:19

Yona yasiphatha ngobuqili isizwe sakithi, yabahlupha okhokho ngokubalahlisa abantwana babo ukuze bangaphili.