U-Eksodasi 2:23 - iBhayibhili Elingcwele 1978

²³ Kwathi sekudlule insuku ezinengi, inkosi yaseGibithe yafa. AbakoIsrayeli babubula ngenxa yobugqili babo, bakhala; uNkulunkulu wezwa ukukhala kwabo ngobugqili babo.

IBhayibhili Elingcwele LesiNdebele

²³ Emva kwesikhathi eside, inkosi yaseGibhithe yafa. Abako-Israyeli bakhala babubula ebugqilini babo, kwasekusithi ukukhala kwabo becela usizo ngenxa yobugqili ababekubo kwafinyelela kuNkulunkulu.

U-Eksodasi 2:23 ပူးပေါင်းရင်းမြစ်များ

UGenesisi 16:11

Isithunywa seNkosi sathi kuyo: Khangela, usuzithwele, uzazala indodana; uyithe ibizo uthi nguIshmayeli, ngoba iNkosi isizwile ukuhlupheka kwakho.

UGenesisi 4:10

Yathi: Wenzeni na? Ilizwi legazi lomfowenu liyakhala kimi livela emhlabathini.

UNehemiya 9:9

Wakubona ukuhlupheka kwabokhokho eGibithe, wezwa ukukhala kwabo ngasoLwandle oluBomvu,

UJobe 35:9

Abantu bayakhala ngenxa yobunzima bokucindezelwa; bacele ukusizwa ngenxa yezandla zabalamandla.

AmaHubo 102:1

Nkosi, zwana umkhuleko wami, ukukhala kwami kakufinyelele kuwe.

AmaHubo 102:2

Ungangifihleli ubuso bakho osukwini losizi. Ngizwa, ungiphendule masinyane lapho ngikhuleka kuwe.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 18:6

Ekuhluphekeni kwami ngakhuleka eNkosini, ngakhala kuNkulunkulu wami; walizwa ilizwi lami esethempelini lakhe, ukukhala kwami kwafinyelela endlebeni zakhe.

U-Eksodasi 1:14

akwenza ukuphila kwabo kwaba buhlungu ngomsebenzi onzima wokwenza udaka lezitina, langemisebenzi yonke yasemasimini; abahlupha kakhulu, abasebenzisa nzima.

U-Eksodasi 4:19

INkosi yathi kuMose eMidiyani: Hamba, ubuyele eGibithe; ngoba bonke ababethanda ukukubulala sebafa.

U-Eksodasi 6:5

Futhi ngizwile ukububula kwabakoIsrayeli abenziwe baba yizigqili ngamaGibithe; njalo ngikhumbula isivumelwano sami.

U-Eksodasi 6:9

UMose wasekhuluma ngokunjalo labakoIsrayeli; kodwa kabamlalelanga ngenxa yokudabuka kwenhliziyo zabo langenxa yobugqili babo obunzima.

U-Eksodasi 7:7

UMose wayeleminyaka engamatshumi aficaminwembili, uAroni wayeleminyaka engamatshumi aficaminwembili lantathu mhla bekhuluma loFaro.

U-Isaya 19:20

Izakuba yisibonakaliso sokuba khona kweNkosi yamabandla elizweni laseGibithe. Lapho bekhala eNkosini ngenxa yabacindezeli, izakubathumela umkhululi ozabavikela, abakhulule.

U-Isaya 5:7

UIsrayeli uyisivini seNkosi yamabandla, labantu bakoJuda bayisithombo sayo esihle. Yayilindele okufaneleyo, kodwa kwaba khona ukubulalana; yalindela ukulunga, kodwa kwaba khona ukukhala.

AmaNani 20:16

Sakhala eNkosini, yasizwa, yathuma isithunywa sayo, yasikhupha eGibithe; khathesi sesilapha eKadeshi, umuzi osemkhawulweni welizwe lakho.

Imisebenzi 7:30

Kwathi sekudlule iminyaka engamatshumi amane, kwabonakala kuye enkangala yasentabeni iSinayi isithunywa phakathi kwelangabi lomlilo esihlahleni.

UDutheronomi 24:15

Mnike iholo lakhe insuku ngensuku, ilanga lingakatshoni, ngoba engumyanga, uyaliswela; uba ungenzi njalo, yena uzakhala eNkosini ngawe, kube yisono sakho.

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

Abahluleli 4:3

AbakoIsrayeli bakhala eNkosini ukuba ibasize, ngoba uSisera wayelezinqola zokulwa zensimbi ezingamakhulu aficamunwemunye, wabacindezela kakhulu abakoIsrayeli iminyaka engamatshumi amabili.

1 USamuyeli 12:8

Lapho uJakobe lamadodana akhe sebefikile eGibithe, abaseGibithe babahlupha; okhokho benu bakhala eNkosini; yona yabathumela uMose loAroni ababakhupha eGibithe, babahlalisa kulindawo.

1 USamuyeli 9:16

Kusasa ngalesisikhathi ngizathumela kuwe umuntu ovela elizweni lakoBenjamini, umgcobe abe ngumbusi wabantu bami uIsrayeli; uzakhulula abantu bami ezandleni zamaFilistiya. Ngibonile ukuhlupheka kwabantu bami, lokukhala kwabo kufinyelele kimi.