U-Eksodasi 2:10 - iBhayibhili Elingcwele 1978

¹⁰ Umntwana esekhulile, wamusa endodakazini kaFaro, waba yindodana yayo. Yamutha ibizo yathi nguMose, ngoba yathi: Ngamkhupha emanzini.

IBhayibhili Elingcwele LesiNdebele

¹⁰ Esekhulile umntwana, wamthatha wamusa endodakazini kaFaro wasesiba ngumntanayo. Yasimutha ibizo yathi nguMosi ngoba yathi, “Ngamkhupha emanzini.”

U-Eksodasi 2:10 ပူးပေါင်းရင်းမြစ်များ

UGenesisi 16:11

Isithunywa seNkosi sathi kuyo: Khangela, usuzithwele, uzazala indodana; uyithe ibizo uthi nguIshmayeli, ngoba iNkosi isizwile ukuhlupheka kwakho.

UGenesisi 4:25

UAdamu waphinda wangena lomkakhe engutsheni; wazala indodana wayitha ibizo wathi nguSeti; ngoba wathi: UNkulunkulu usenginikile enye inzalo esikhundleni sikaAbela, ngoba uKayini wambulala.

UGenesisi 48:5

Khathesi amadodana akho amabili, owawazalela elizweni laseGibithe ngingakafiki kuwe eGibithe, angawami; uEfrayimi loManase njengoRubeni loSimeyoni bazakuba ngabami.

2 USamuyeli 22:17

Yaselula isandla sayo iphezulu, yangibamba, yangikhupha emanzini atshonayo.

U-Eksodasi 2:9

Indodakazi kaFaro yathi kuye: Mthathe lumntwana, ungimunyisele yena; ngizakukunika isondlo. Owesifazana wamthatha umntwana, wammunyisa.

UMatewu 1:21

Uzakuzala indodana, uyithe ibizo uthi nguJesu, ngoba yena uzakusilisa abantu bakhe ezonweni zabo.

AbaseGalathiya 4:5

ukuze ihlenge abangaphansi komlayo ukuba samukele ukuma kwamadodana.

AmaHebheru 11:24

Ngokukholwa uMose esekhulile wala ukuthiwa uyindodana yendodakazi kaFaro;

1 UJohane 3:1

Khangelani uthando olungaka asinika lona uBaba lokuba kuthiwe singabantwana bakaNkulunkulu; lempela siyibo. Ngenxa yalokho umhlaba kawusazi, ngoba ungamazanga yena.

1 USamuyeli 1:20

Kwathi isikhathi sesiphelele uHana wakhulelwa, wabeletha indodana, wayitha ibizo wathi nguSamuweli; ngoba wathi: Ngimcelile eNkosini.