U-Eksodasi 14:4 - iBhayibhili Elingcwele 1978

⁴ Ngizayenza ibe lukhuni inhliziyo kaFaro, abalandele, ngizuze udumo ngoFaro langayo yonke impi yakhe, ukuba amaGibithe azi ukuthi ngiyiNkosi. Benza njalo.

IBhayibhili Elingcwele LesiNdebele

⁴ Njalo ngizayenza ibe lukhuni inhliziyo kaFaro abeselandela exotshana labo. Kodwa ngizazizuzela udumo ngoFaro kanye lempi yakhe yonke, lamaGibhithe azakwazi ukuthi mina nginguThixo.” Ngakho abako-Israyeli bakwenza lokhu.

U-Eksodasi 14:4 ပူးပေါင်းရင်းမြစ်များ

UNehemiya 9:10

wenza izibonakaliso ezimangalisayo kuFaro lakuzo zonke inceku zakhe lakubo bonke abantu belizwe lakhe, ngoba wazi ukuba benza okubi kubokhokho; wazenzela ibizo njengalamhlanje.

U-Eksodasi 10:2

lokuba utshele indodana yakho lendodana yendodana yakho izinto ezihlekisayo engizenze phezu kwamaGibithe lezibonakaliso engizenze phakathi kwawo, ukuze lazi ukuthi ngiyiNkosi.

U-Eksodasi 10:27

Kodwa iNkosi yayenza yaba lukhuni inhliziyo kaFaro, kazabavumela ukuba bahambe.

U-Eksodasi 12:28

AbakoIsrayeli basuka, bayakwenza njalo, njengalokhu iNkosi ibalayile oMose loAroni.

U-Eksodasi 14:23

AmaGibithe abalandela, angena olwandle exotshana labo, wonke amabhiza kaFaro lenqola zakhe labagadi bamabhiza.

U-Eksodasi 14:25

yaqobotsha amavili ezinqola ukuba zihambe nzima, aze athi amaGibithe: Asibalekele abakoIsrayeli, ngoba iNkosi iyabalwela imelene lathi.

U-Eksodasi 14:3

UFaro uzakuthi ngabakoIsrayeli: Badidekile elizweni, bavalelwe yinkangala.

U-Eksodasi 14:5

INkosi yaseGibithe yabikelwa ukuthi abantu sebebalekile; inhliziyo kaFaro lenhliziyo zezinceku zakhe zaphenduka mayelana labantu, bathi: Kuyini lokho esikwenzileyo, sabavumela abakoIsrayeli ukuba bahambe bangabe besasisebenzela na?

U-Eksodasi 14:8

INkosi yayenza yaba lukhuni inhliziyo kaFaro inkosi yaseGibithe, wabalandela ngoba baphuma bengesabi lutho.

U-Eksodasi 18:11

Khathesi sengisazi ukuthi iNkosi yinkulu kulabo bonke onkulunkulu, yebo kulokho amaGibithe ayezigabisa ngakho.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

U-Eksodasi 7:17

INkosi ithi: Ngalokhu uzakwazi ukuthi ngiyiNkosi; ngizatshaya amanzi omfula ngentonga esesandleni sami, aphenduke abe ligazi.

U-Eksodasi 7:3

Mina ngizakuyenza inhliziyo kaFaro ibe lukhuni, ngandise izibonakaliso lezimangaliso zami elizweni laseGibithe.

U-Eksodasi 7:5

AmaGibithe azakwazi ukuthi ngiyiNkosi, mhla ngelula isandla sami phezu kweGibithe, ngikhuphe abakoIsrayeli phakathi kwawo.

U-Eksodasi 9:16

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

UHezekhiyeli 20:9

Kodwa kangikwenzanga ngenxa yebizo lami ukuba lingangcoliswa phambi kwezizwe ababehlala phakathi kwazo, engaziveza kibo phambi kwazo ukuba ngibakhuphe eGibithe.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 32:15

Lapho ngichitha ilizwe laseGibithe, lalapho ilizwe liphundlwa konke okukilo, lalapho ngitshaya bonke abahlala kilo, bazakwazike ukuba ngiyiNkosi.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UHezekhiyeli 39:13

Bonke abantu belizwe bazasiza ukubangcwaba, kubalethele udumo mhla ngibonakalisa inkazimulo yami, kutsho iNkosi uNkulunkulu.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

AbaseRoma 11:8

njengokulotshiweyo ukuthi: UNkulunkulu wabanika umoya wobuthongo, lamehlo okungaboni, lendlebe zokungezwa kuze kube lamuhla.

AbaseRoma 9:17

Ngoba umbhalo uthi kuFaro: Ngakuphakamisela khona lokho ukuba ngibonakalise amandla ami ngawe, lokuba ibizo lami litshunyayelwe emhlabeni wonke.

AbaseRoma 9:18

Ngakho uNkulunkulu uhawukela lowo athanda ukumhawukela, amenze lukhuni lowo athanda ukumenza lukhuni.

UJoshuwa 11:20

Ngoba kwakuyiNkosi eyenza inhliziyo zabo zaba lukhuni ukuze balwe loIsrayeli, bachithwe baphele, bangahawukelwa kodwa babhujiswe, njengokulaya kweNkosi kuMose.

Abahluleli 4:7

ngizamenza uSisera induna yempi kaJabini ukuba akuhlangabeze emfuleni iKishoni lezinqola zakhe zokulwa lamabutho akhe, ngimnikele esandleni sakho.