U-Eksodasi 12:2 - iBhayibhili Elingcwele 1978

² yathi: Kini linyanga kayibe ngeyokuqala ezinyangeni, ibe yinyanga yokuqala emnyakeni.

IBhayibhili Elingcwele LesiNdebele

² “Inyanga le kayibe yinyanga yakuqala kini, inyanga yokuqala emnyakeni wenu.

U-Eksodasi 12:2 ပူးပေါင်းရင်းမြစ်များ

U-Esta 3:7

Ngomnyaka wetshumi lambili wokubusa kwenkosi uAhasuweru, ngenyanga yokuqala ethiwa nguNisani, benza inkatho ethiwa yiPurimi phambi kukaHamani mayelana losuku lenyanga; inkatho yadla usuku lwetshumi lantathu lwenyanga yetshumi lambili ethiwa nguAdari.

U-Eksodasi 12:1

INkosi yakhuluma kuMose loAroni elizweni laseGibithe,

U-Eksodasi 12:18

Kusukela osukwini lwetshumi lane lwenyanga yokuqala kusihlwa lizakudla isinkwa esingelamvubelo, kuze kufike usuku lwamatshumi amabili lanye lwenyanga kusihlwa.

U-Eksodasi 12:3

Khulumani kulo lonke ibandla lakoIsrayeli lithi: Ngosuku lwetshumi lwalinyanga bonke abantu kabathathe iwundlu loba izinyane ngokwemizi yabo kube iwundlu loba izinyane ngomuzi.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 13:4

Ngalolusuku ngenyanga kaAbibi liyaphuma.

U-Eksodasi 23:15

Uzakugcina umkhosi wesinkwa esingelamvubelo, udle isinkwa esingelamvubelo insuku eziyisikhombisa ngesikhathi esimisiweyo senyanga kaAbibi, njengokukulaya kwami; ngoba waphuma eGibithe ngaleyonyanga; kakuzukuza muntu phambi kwami engaphethe lutho.

U-Eksodasi 34:18

Ugcine umkhosi wesinkwa esingelamvubelo; njengokukulaya kwami udle isinkwa esingelamvubelo insuku eziyisikhombisa ngesikhathi esimisiweyo senyanga kaAbibi, ngoba ngenyanga kaAbibi waphuma eGibithe.

U-Eksodasi 40:17

Kwathi ngosuku lokuqala lwenyanga yokuqala ngomnyaka wesibili iTabernakeli lamiswa.

UHezekhiyeli 45:18

INkosi uNkulunkulu ithi: Ngenyanga yokuqala, ngosuku lokuqala lwenyanga, uzathatha inkabi encinyane engelasici, uhlambulule indlu engcwele.

UHezekhiyeli 45:21

Ngenyanga yokuqala, ngosuku lwetshumi lane lwenyanga, lizakuba lomkhosi wePhasika, lidle isinkwa esingelamvubelo okwensuku eziyisikhombisa.

ULevi 23:5

Usuku lwetshumi lane lwenyanga yokuqala, kusihlwa, luliPhasika leNkosi.

AmaNani 28:16

Usuku lwetshumi lane lwenyanga yokuqala luliPhasika leNkosi.

UDutheronomi 16:1

Gcinani inyanga kaAbibi, liyidumise iNkosi, uNkulunkulu wenu, ngokugcina iPhasika, ngoba ngenyanga kaAbibi iNkosi uNkulunkulu wenu yalikhupha eGibithe ebusuku.