U-Eksodasi 11:5 - iBhayibhili Elingcwele 1978

⁵ wonke amazibulo aseGibithe azakufa, kusukela kulo izibulo likaFaro ohlala esihlalweni sakhe sobukhosi, kuze kube kulo izibulo lencekukazi echolayo amabele, kanye lamazibulo wonke enkomo.

IBhayibhili Elingcwele LesiNdebele

⁵ Wonke owesilisa olizibulo eGibhithe uzakufa, kusukela ezibulweni likaFaro ohlezi esihlalweni sobukhosi kuthathe kanye lezibulo lesigqili sentombazana esisebenza ukuchola, kanye lamazibulo enkomo uqobo.

U-Eksodasi 11:5 ပူးပေါင်းရင်းမြစ်များ

AmaHubo 105:36

Yabulala amazibulo elizweni lawo, ingqabutho yamandla awo.

AmaHubo 135:8

Yiyo eyabulala amazibulo aseGibithe, awabantu kanye lawenyamazana;

AmaHubo 136:10

Yabulala amazibulo aseGibithe, ngoba uthando lwayo olungapheliyo lumi kuze kube nininini;

AmaHubo 78:51

Wawabulala wonke amazibulo aseGibithe, okokuqala kwamandla abo emathenteni kaHamu.

U-Eksodasi 12:12

Ngoba ngalobobusuku ngizadabula phakathi kwelizwe laseGibithe, ngibulale wonke amazibulo aselizweni lelo, awabantu lawezinkomo, ngahlulele bonke onkulunkulu baseGibithe. NgiyiNkosi.

U-Eksodasi 12:29

Kwathi phakathi kobusuku iNkosi yabulala wonke amazibulo eGibithe, kusukela kulo izibulo likaFaro owayehlezi esihlalweni sobukhosi kuze kube kulo izibulo lesibotshwa esasisentolongweni, lamazibulo wonke enkomo.

U-Eksodasi 13:15

Ngoba kwathi uFaro esenza inhliziyo yakhe ibe lukhuni ukuba asivumele sihambe, iNkosi yabulala wonke amazibulo elizweni laseGibithe, amazibulo abantu lamazibulo ezinkomo; ngenxa yalokhu ngiyayihlabela iNkosi konke okuvula isizalo okuduna; kodwa wonke amazibulo amadodana ami ngiyawahlenga.

U-Eksodasi 4:23

ngithi kuwe: Vumela indodana yami ukuba ihambe iyengikhonza; kodwa uba ungayivumeli, ngizabulala indodana yakho, izibulo lakho.

U-Isaya 47:2

Thatha amatshe okuchola, uchole impuphu, wambule isimbombozo sakho, ukhumule isigqoko sakho, uveze imilenze yakho, udabule phakathi kwamanzi.

Izililo 5:13

Amajaha asetshenziswa ngamandla ukuchola, labafana basindwa yiminyaba yenkuni.

UMatewu 24:41

kuzakuthi abesifazana ababili bechola elitsheni, omunye asuswe, omunye atshiywe.

AmaHebheru 11:28

Ngokukholwa wamisa iPhasika efafaza igazi, ukuze umbhubhisi wamazibulo angawathinti amazibulo akoIsrayeli.

Abahluleli 16:21

AmaFilistiya ambamba, amkhupha amehlo, amletha eGaza, ambopha ngezibopho zethusi. Amenza ukuba achole impuphu entolongweni.