U-Eksodasi 11:1 - iBhayibhili Elingcwele 1978

¹ INkosi yathi kuMose: Ngisezakwehlisela uFaro lakulo iGibithe enye inhlupheko eyodwa; emva kwalokho uzakulivumela ukuba lihambe; lapho eselivumela ukuba lihambe uzakulixotsha impela.

IBhayibhili Elingcwele LesiNdebele

¹ Ngalesosikhathi uThixo wathi kuMosi, “Sekusele ukuthi ngehlise uhlupho olulodwa kuFaro laphezu kweGibhithe. Ngemva kwalokho uzaliyekela lisuke lapha, njalo liphume eselixotsha lonke.

U-Eksodasi 11:1 ပူးပေါင်းရင်းမြစ်များ

UGenesisi 15:14

Kodwa ngizakusahlulela lesosizwe ezakusisebenzela; emva kwalokho izakuphuma ilempahla enengi.

UJobe 10:17

Uyavuselela ukungihlasela kwakho, langokwanda kokuthukuthela kwakho uyaletha amaxuku amatsha ukungihlasela.

U-Eksodasi 12:29

Kwathi phakathi kobusuku iNkosi yabulala wonke amazibulo eGibithe, kusukela kulo izibulo likaFaro owayehlezi esihlalweni sobukhosi kuze kube kulo izibulo lesibotshwa esasisentolongweni, lamazibulo wonke enkomo.

U-Eksodasi 3:20

Ngakhoke ngizakwelula isandla sami ngilitshaye iGibithe ngezimangaliso zami zonke engizakuzenza phakathi kwalo; emva kwalokho izakulivumela lihambe.

U-Eksodasi 6:1

Kodwa iNkosi yathi kuMose: Khathesi uzakubona lokho engizakukwenza kuFaro; ngenxa yesandla esilamandla uzakubayekela ukuba bahambe, abaxotshe elizweni lakhe ngesandla esiqinileyo.

U-Eksodasi 9:14

Ngoba khathesi ngizakuthuma zonke inhlupheko zami kuwe lasencekwini zakho lasebantwini bakho, ukuba wazi ukuthi kakho onjengami kuwo wonke umhlaba.

ULevi 26:21

Uba lihamba ngokuphambene lami, lingangilaleli, ngizakwehlisela kini ezinye inhlupheko, ziphindwe kasikhombisa ezonweni zenu.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

Isambulo 16:9

Abantu batshiswa yikutshisa okukhulu; kodwa balithuka ibizo likaNkulunkulu obelamandla phezu kwalezizifo, kabaphendukanga ukuba bamdumise.

1 USamuyeli 6:4

Bathi: Uzakuba yini umnikelo wecala esizakuwusa kuye na? Baphendula bathi: Izithombe zamathumba amahlanu zegolide lezamagundwane amahlanu zegolide, ezilingana lobunengi bezikhulu zamaFilistiya; ngoba kuyisifo sinye ebesiligulisa lonke lezikhulu zenu.