U-Eksodasi 10:9 - iBhayibhili Elingcwele 1978

⁹ UMose wathi: Sizahamba labatsha bethu labadala bethu, lamadodana ethu lamadodakazi ethu, lezimvu zethu lezinkomo zethu, siyenzele iNkosi umkhosi.

IBhayibhili Elingcwele LesiNdebele

⁹ UMosi waphendula wathi, “Sizahamba labatsha labadala bethu; lamadodana lamadodakazi ethu, lemihlambi yethu ngoba kumele senzele uThixo umkhosi.”

U-Eksodasi 10:9 ပူးပေါင်းရင်းမြစ်များ

UGenesisi 50:8

lendlu yonke kaJosefa, labafowabo, lendlu kayise; kodwa abantwana babo lezimvu zabo lenkomo zabo bakutshiya elizweni laseGosheni.

U-Eksodasi 10:10

Wathi kubo: INkosi ibe lani, uba ngilivumela ukuba lihambe labantwana benu! Ngibona ukuba lifuna ukwenza okubi.

U-Eksodasi 10:26

Ngakho lezinkomo zethu zizahamba kanye lathi, kungasali emuva lankomo eyodwa; ngoba sifanele sizithathe siyikhonze iNkosi uNkulunkulu wethu ngazo, ngoba kasikwazi esizakuyikhonza ngakho iNkosi size sifike khona.

U-Eksodasi 12:32

Thathani izimvu zenu lezinkomo zenu njengokutsho kwenu, lihambe; futhi lingibusise lami.

U-Eksodasi 12:37

AbakoIsrayeli basuka eRamesesi besiya eSukothi. Amadoda azinkulungwane ezingamakhulu ayisithupha ngaphandle kwabantwana labesifazana bahamba ngenyawo.

U-Eksodasi 12:38

Kwakhuphuka labo ixuku lenhlobonhlobo zabantu, kanye lezimvu lezinkomo, izifuyo ezinengi.

U-Eksodasi 13:6

Lizakudla isinkwa esingelamvubelo insuku eziyizikhombisa, kube khona umkhosi weNkosi ngosuku lwesikhombisa.

U-Eksodasi 3:18

Bazalalela ilizwi lakho. Futhi uzakuya enkosini yaseGibithe, wena kanye labalisa bakoIsrayeli, lithi kuyo: INkosi uNkulunkulu wamaHeberu ihlangene lathi; ake usivumele sihambe khathesi ummango wezinsuku ezintathu siye enkangala ukuze sinikele iminikelo eNkosini uNkulunkulu wethu.

U-Eksodasi 5:1

Emva kwalokho uMose loAroni baya kuFaro bathi: INkosi uNkulunkulu wakoIsrayeli ithi: Bavumele abantu bami ukuba bahambe, bangenzele umkhosi enkangala.

U-Eksodasi 5:3

Basebesithi: UNkulunkulu wamaHeberu wahlangana lathi; ngakho ake usivumele ukuba sihambe ummango wezinsuku ezintathu siye enkangala, siyihlabele iNkosi uNkulunkulu wethu, funa isehlele ngesifo langempi.

Izaga 3:9

Dumisa iNkosi ngemfuyo yakho, langezithelo zakho zokuqala zonke;

UmTshumayeli 12:1

Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.

AmaNani 29:12

Ngosuku lwetshumi lanhlanu lwenyanga yesikhombisa lizakuba lenkonzo enkulu; lingenzi umsebenzi, liyigcinele iNkosi umkhosi insuku eziyisikhombisa,

Abase-Efesu 6:4

Lani bobaba, lingabathukuthelisi abantwana benu, kodwa libondle ngokulaya langokufundisa kweNkosi.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.