U-Eksodasi 10:6 - iBhayibhili Elingcwele 1978

⁶ Sizagcwala izindlu zakho lezindlu zenceku zakho zonke lezindlu zawo wonke amaGibithe, abangazanga basibone esinje oyihlo laboyise baboyihlo selokhu baba khona emhlabeni kuze kube lamhla. Waphenduka, wasuka kuFaro.

IBhayibhili Elingcwele LesiNdebele

⁶ Zizagcwala ezindlini zakho lezezikhulu zakho zonke lezamaGibhithe, into oyihlo labokhokho bakho abangazange bayibone selokhu bahlala kulelilizwe kuze kube manje.’ ” Khonapho uMosi wabe efulathela esuka kuFaro.

U-Eksodasi 10:6 ပူးပေါင်းရင်းမြစ်များ

U-Eksodasi 10:11

Atshi! kodwa kakuhambe amadoda, ayeyikhonza iNkosi, ngoba yikho lokhu elikufisayo. Basebexotshwa phambi kukaFaro.

U-Eksodasi 11:6

Kuzakuba khona elizweni lonke laseGibithe ukukhala okukhulu, okungazanga kube khona, lokungayikuba khona futhi.

U-Eksodasi 11:8

Zonke lezizinceku zakho zizakuza kimi, zingikhothamele zithi: Phuma wena labo bonke abantu bakho. Emva kwalokho ngizakuphuma. UMose wasephuma kuFaro ethukuthele.

U-Eksodasi 8:21

Uba ungabavumeli ukuba bahambe, ngizathumela kuwe izibawu lasencekwini zakho lasebantwini bakho lasezindlini zakho; izindlu zamaGibithe zizagcwala izibawu kanye lomhlabathi ezikuwo.

U-Eksodasi 8:3

umfula uzakugcwala amaxoxo, aphume, angene endlini yakho, lasendaweni yakho yokulala, lasembhedeni wakho, lezindlini zenceku zakho, laphezu kwabantu bakho, lasemaziko akho, lasemiganwini yakho yokuxovela izinkwa;

U-Eksodasi 9:18

Kusasa ngalesisikhathi ngizakunisa isiqhotho esikhulu, esingazanga sibonwe eGibithe selokhu lamiswayo kuze kube khathesi.

U-Eksodasi 9:24

Ngakhoke kwaba khona isiqhotho, lombane ubaneka njalonjalo phakathi kwesiqhotho; kwakuyisiqhotho esingazanga sibe khona elizweni laseGibithe selokhu laba yisizwe.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

UJoweli 2:9

Bayatheleka emzini, bagijime phezu kwemiduli, bangene ezindlini, bengena ngamawindi njengesela.

AmaHebheru 11:27

Ngokukholwa wasuka eGibithe, engalwesabi ulaka lwenkosi; ngoba waqinisela kungathi uyambona uNkulunkulu ongabonwayo.