U-Eksodasi 10:3 - iBhayibhili Elingcwele 1978

³ UMose loAroni baya kuFaro bathi kuye: INkosi, uNkulunkulu wamaHeberu, ithi: Koze kube nini usala ukuzithoba phambi kwami na? Vumela abantu bami ukuba bahambe, bayengikhonza.

IBhayibhili Elingcwele LesiNdebele

³ Ngakho oMosi lo-Aroni baya kuFaro bathi kuye, “Nanku okutshiwo nguThixo, uNkulunkulu wamaHebheru: ‘Uzakwala kuze kube nini ukuzithoba phambi kwami? Yekela abantu bami bahambe ukuze bayengikhonza.

U-Eksodasi 10:3 ပူးပေါင်းရင်းမြစ်များ

1 AmaKhosi 18:21

UElija wasondela ebantwini bonke wathi: Koze kube nini lithikaza na? Uba iNkosi inguNkulunkulu, landelani yona; kodwa uba kunguBali, mlandeleni. Abantu kabamphendulanga langelilodwa ilizwi.

1 AmaKhosi 21:29

Ubonile yini ukuthi uAhabi uzithobe njani phambi kwami na? Ngoba ezithobile phambi kwami kangiyikwehlisa lobobubi ensukwini zakhe, kodwa ensukwini zomntanakhe.

2 AmaKhosi 22:19

Njengoba uzwile amazwi ami, lenhliziyo yakho idabukile, wazithoba phambi kwami nxa usizwa engikutshoyo ngalindawo langabakhileyo kiyo ukuba bazakuchitheka babe yisiqalekiso, wadabula izigqoko zakho, wakhala phambi kwami, ngakho lami ngikuzwile, kutsho iNkosi;

2 ImiLando 33:12

Kwathi esosizini wancenga umusa weNkosi uNkulunkulu wakhe, wazithoba kakhulu phambi kukaNkulunkulu wabokhokho bakhe.

2 ImiLando 33:19

Umkhuleko wakhe, lokuthi uNkulunkulu wakwamukela kanjani ukuncenga kwakhe, lesono sakhe sonke, lokungathembeki kwakhe, lezindawo amisa kuzo indawo eziphakemeyo zokukhonzela, lensika zikankulunkulukazi uAshera, lezithombe, engakazithobi, konke kulotshiwe ogwalweni lwezindaba zababoni.

2 ImiLando 34:27

ngoba inhliziyo yakho izisolile, wazithoba phambi kwami lapho usizwa amazwi ami ngalindawo langabahlala kiyo, uzithoba phambi kwami, wadabula izigqoko zakho wakhala, lami ngikuzwile.

2 ImiLando 7:14

uba abantu bami ababizwa ngebizo lami bezithoba, bakhuleke bengidinga, betshiya indlela zabo ezimbi, mina ngizakuzwa ngisezulwini, ngithethelele izono zabo, ngikhulule ilizwe labo.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

U-Eksodasi 10:4

Ngoba uba ungabavumeli ukuba bahambe, ngizakuthumela kusasa elizweni lakho isikhongwane,

U-Eksodasi 16:28

INkosi yathi kuMose: Koze kube nini lisala ukugcina imilayo yami lemithetho yami na?

U-Eksodasi 4:23

ngithi kuwe: Vumela indodana yami ukuba ihambe iyengikhonza; kodwa uba ungayivumeli, ngizabulala indodana yakho, izibulo lakho.

U-Eksodasi 5:1

Emva kwalokho uMose loAroni baya kuFaro bathi: INkosi uNkulunkulu wakoIsrayeli ithi: Bavumele abantu bami ukuba bahambe, bangenzele umkhosi enkangala.

U-Eksodasi 9:17

Usazikhukhumeza phambi kwabantu bami, ungabavumeli ukuba bahambe na?

Izaga 1:22

Koze kube nini lithanda ubuthutha, lina zithutha na? Koze kube nini izideleli zithokoza ngokudelela kwazo, leziphukuphuku zizonda ukwazi na?

Izaga 1:24

Ngibizile, kodwa lina lala ukulalela; ngancenga, kodwa kakho owananzayo;

Izaga 18:12

Ukuzikhukhumeza kwandulela ukubhujiswa, kodwa ukuthobeka kwandulela udumo.

U-Isaya 1:5

Lizakutshaywa kuze kube nini ngenxa yokuqhubeka kwenu lihlamuka na? Lonke ikhanda lakho, Israyeli, ligcwele amanxeba, lenhliziyo yakho yonke ibuthakathaka.

U-Isaya 2:11

Abantu abaziphakamisayo bazakwehliselwa phansi, lokuzikhukhumeza kwabantu kuzakuthotshiswa, kuphakame iNkosi kuphela ngalolosuku.

UJeremiya 13:10

Lababantu ababi, abala ukuzwa amazwi ami, belandela inhliziyo zabo ezilenkani, belandela onkulunkulu abanye ukuba babasebenzele babakhonze, bazakuba njengalelibhanti elingasizi lutho.

UJeremiya 13:18

Tshono enkosini lakunina wenkosi uthi: Hlalani phansi ngokuzithoba, ngoba umqhele wenu omuhle uwele phansi.

UJeremiya 50:29

Bizani abaphatha imitshoko, balwe leBabiloni bonke abakwazi ukutshoka; lihanqeni inxa zonke, kungabi khona ophunyukayo, liliphindisele njengezenzo zalo, lenze kulo njengakho konke elikwenzileyo; ngoba liyidelele iNkosi, oNgcwele kaIsrayeli.

UHezekhiyeli 5:6

Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.

UDanyeli 5:22

Wena Belishazari, indodana yakhe, kawuyithobanga inhliziyo yakho lanxa ukwazi konke lokhu,

AmaNani 14:27

Koze kube nini lelibandla elibi lingisola na? Ngizwile ukusola kwabantu bakoIsrayeli abakwenza ngami.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

UJakhobe 4:10

Zehliseni phambi kweNkosi, izakuliphakamisa.

1 UPhethro 5:6

Ngakhoke zehliseleni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo.