URuthe 2:13 - iBhayibhili Elingcwele 1978

¹³ Wasesithi: Ulomusa omkhulu kimi, nkosi yami, usungiduduzile, wakhuluma ngomusa encekwini yakho, loba mina ngingesiyo enye yencekukazi zakho.

IBhayibhili Elingcwele LesiNdebele

¹³ URuthe wathi, “Sengathi ngingaqhubeka ngithola umusa kuwe, nkosi yami. Usungiphe ukududuzeka njalo ukhulume ngomusa encekukazini yakho loba ngingafanele ukuba ngomunye wamantombazana azincekukazi zakho.”

URuthe 2:13 ပူးပေါင်းရင်းမြစ်များ

UGenesisi 32:6

Izigijimi zabuyela kuJakobe zathi: Sifikile kumnewenu uEsawu, laye uyeza ukukuhlangabeza kanye lamadoda angamakhulu amane.

UGenesisi 33:10

UJakobe wathi: Atshi bo! uba ngifumene umusa kuwe, yamukela isipho esivela kimi; ngoba ukubona ubuso bakho kunjengokubona ubuso bukaNkulunkulu, lokhu ungamukele ngomusa.

UGenesisi 33:15

UEsawu wathi: Akungivumele ukuba ngitshiye kuwe abanye abantu bami. Wathi: Kungani inkosi yami ilomusa ongaka kimi na?

UGenesisi 33:8

UEsawu wasesithi: Uqondeni ngamaqembu wonke lawaya engihlangene lawo na? Wathi: Ayisipho sokuba ngithole umusa enkosini yami.

UGenesisi 34:3

Inhliziyo yakhe yabambelela kuDina indodakazi kaJakobe, wayithanda intombi, wasezikhombisela yona.

UGenesisi 43:14

UNkulunkulu uSomandla kalenzele isihawu lowomuntu ukuze alikhululele umfowenu lowo omunye kanye loBenjamini. Uba ngamukwa abantwana bami, ngiyamukwa.

2 USamuyeli 16:4

Inkosi yasisithi kuZiba: Khangela, konke obekungokukaMefiboshethi sekungokwakho. UZiba wasesithi: Ngiyakhuleka; kangifumane umusa kuwe kokuphela, nkosi yami.

Izaga 15:33

Ukuyesaba iNkosi kuyikufundiswa ngokuhlakanipha, ukuthobeka kuyandulela udumo.

UHosiya 2:16

Kuzakuthi ngalolosuku, kutsho iNkosi, ungibize uthi: Mkami; ungabe usangibiza: Bali wami.

AbaseFiliphi 2:3

Lingenzi lutho ngokubangisana langokuziqhenya, kodwa ngokuthobeka litshaye sengathi abanye bangcono kulani.

Abahluleli 19:3

Umkakhe wasuka wamlandela ukumncenga ukuba abuye. Wahamba lenceku yakhe labobabhemi ababili, wayafika emzini kayise. Umfazi wamngenisa endlini. Kwathi lapho uyise wentombi embona wamhlangabeza ngokuthokoza.

URuthe 2:12

INkosi ikunike umvuzo ngalokho okwenzileyo, iNkosi uNkulunkulu kaIsrayeli osuphephele ngaphansi kwamaphiko ayo, ikuphe umvuzo opheleyo.

URuthe 2:14

Ngesikhathi sokudla uBowasi wathi kuye: Woza lapha, dlana ukudla, utshebe isinkwa sakho ngewayini. Ngakhoke wasehlala phansi kwabavunayo, wasemnika umumbu okhanzingiweyo; wadla wasutha kwaze kwasala.

1 USamuyeli 1:18

Wasesithi: Incekukazi yakho kayifumane umusa kuwe. Owesifazana wasehamba; kwaphela ukudana kwakhe.

1 USamuyeli 25:41

Yena wathi mbo ngobuso bakhe phansi, wathi: Incekukazi yakho kayibe yisigqili sokugezisa inyawo zezinceku zenkosi yami.