URuthe 2:10 - iBhayibhili Elingcwele 1978

¹⁰ URuthe wasesithi mbo ngobuso bakhe phansi, wathi kuye: Ngifumanelani umusa emehlweni akho ukuba unginanze mina engingowezizweni na?

IBhayibhili Elingcwele LesiNdebele

¹⁰ Ekuzwa lokhu uRuthe wathi mbo phansi ngobuso, wambuza wathi, “Kungani ngifumane umusa ongaka kuwe uze ungizwele mina ngingowezizweni?”

URuthe 2:10 ပူးပေါင်းရင်းမြစ်များ

UGenesisi 18:2

Ephakamisa amehlo akhe wabona amadoda amathathu emi ngaphambi kwakhe; esewabonile wasuka emnyango wethente, wagijima ukuwahlangabeza, wakhothama,

2 USamuyeli 19:28

Ngoba bonke abendlu kababa babenjengabantu abaqunyelwe ukufa phambi kwenkosi yami; kodwa wangibeka mina engiyinceku yakho phakathi kwalabo abadla etafuleni yakho. Phoke, ngiselalungelo bani ukuba ngibuye ngikhale enkosini yami na?

2 USamuyeli 7:18

Inkosi uDavida yasingena ihlala phambi kweNkosi, yathi: Kambe mina ngingubani, Nkosi Nkulunkulu, lendlu yami iyini, ukuze ungifikise lapha na?

2 USamuyeli 9:8

UMefiboshethi wakhuleka, wasesithi: Kambe inceku yakho iyini ukuba ukhangele inja efileyo enjengami na?

ULevi 19:34

Owezizweni ohlala lani uzakuba njengowokuzalwa elizweni phakathi kwenu, limthande njengalokhu lizithanda lina; ngoba lani lalingabantu bezizweni elizweni laseGibithe. NgiyiNkosi uNkulunkulu wenu.

UMatewu 25:35

Ngoba ngangilambile, langinika ukudla; ngangomile, langinathisa; ngangingowemzini, langingenisa endlini;

ULukha 1:43

Kwenzeke kanjani kimi ukuba ngihanjelwe ngunina weNkosi yami na?

ULukha 1:48

ngoba uhawukele ubuphansi bencekukazi yakhe. Khangela, kusukela khathesi zonke izizukulwana zizakuthi ngibusisiwe.

AbaseRoma 12:10

Thandanani ngothando lobuzalwane, liziqhenye ekuhloniphaneni.

URuthe 2:11

UBowasi wamphendula wathi: Konke lokhu owakwenzela unyokozala kusukela ekufeni kwendoda yakho ngikutsheliwe konke, lokutshiya kwakho uyihlo lonyoko lelizwe lakini, weza ebantwini owawungabazi ngaphambili.

URuthe 2:13

Wasesithi: Ulomusa omkhulu kimi, nkosi yami, usungiduduzile, wakhuluma ngomusa encekwini yakho, loba mina ngingesiyo enye yencekukazi zakho.

URuthe 2:19

Uninazala wasesithi kuye: Ubudobha ngaphi lamhla na? Ubusebenza ngaphi? Ubusisiwe lowomuntu okunanzeleleyo. URuthe wasemtshela uninazala ukuthi ubesebenza kobani, wathi: Ibizo lalowomuntu engisebenze kuye lamuhla nguBowasi.

URuthe 2:2

URuthe waseMowabi wathi kuNawomi: Ake ngiye emasimini, ngiyedobha amabele asalayo emva kwalowo ozangenzela umusa. Yena wasesithi kuye: Hamba, mntanami.

URuthe 2:9

Ukhangele lapho amadoda avuna khona, uwalandele. Ngiwalayile ukuba angakuhluphi. Nxa usuwomile uye embizeni, unathe lokhu amadoda akukhileyo.

1 USamuyeli 25:23

Lapho uAbigayili ebona uDavida, waphangisa ukwehla kubabhemi wakhe, wathi mbo ngobuso phansi phambi kukaDavida.