URuthe 1:17 - iBhayibhili Elingcwele 1978

¹⁷ lapho uzafela khona, lami ngizafela khona, ngingcwatshelwe lapho. INkosi ingihlanekele ngokwengezelelweyo uba ngingehlukaniswa lawe yilutho ngaphandle kokufa.

IBhayibhili Elingcwele LesiNdebele

¹⁷ Lapho ozafela khona lami ngizafela khona njalo ngizangcwatshelwa khona. Sengathi uThixo angangihlanekela nxa ngingehlukana lawe ngenxa yolunye ulutho olungesikufa.”

URuthe 1:17 ပူးပေါင်းရင်းမြစ်များ

2 USamuyeli 15:21

Kodwa uIthayi wayiphendula inkosi wathi: Ngifunga iNkosi uNkulunkulu, futhi ngifunga wena nkosi yami, kuleyondawo ezakuba kiyo inkosi yami, loba kusekufeni loba kusekuphileni, izakuba khona lapho lenceku yakho.

2 USamuyeli 19:13

Lithi kuAmasa: Angithi ungowegazi lami na? UNkulunkulu kangihlanekele engezelele futhi, uba ungayikuba yinduna yempi yami esikhundleni sikaJowabi kusukela lamuhla.

2 USamuyeli 3:35

Bonke abantu basebesiza ukumncenga uDavida ukuba adle kusesemini; kodwa uDavida wafunga wathi: UNkulunkulu angihlanekele ngokwengezelelweyo uba ngithinta ukudla loba okunye nje lingakatshoni ilanga.

2 USamuyeli 3:9

UNkulunkulu amhlanekele uAbineri, engezelele futhi, uba ngingamenzeli uDavida lokho iNkosi ekufunge kuye,

1 AmaKhosi 13:31

Esemngcwabile wathi emadodaneni akhe: Ekufeni kwami lingingcwabe elibeni okungcwatshelwe khona umuntu kaNkulunkulu, libeke amathambo ami phansi kwawakhe.

1 AmaKhosi 19:2

UJezebeli wathuma isithunywa kuElija esithi: Onkulunkulu bangihlanekele ngokwengezelelweyo uba ngingakubulali kuze kube kusasa, njengoba ubulele abaprofethi.

1 AmaKhosi 2:23

Inkosi uSolomoni yasifunga ngeNkosi isithi: UNkulunkulu angihlanekele ngokwengezelelweyo uba lesisicelo singambulalisi uAdonija.

1 AmaKhosi 20:10

UBenihadadi wasethumela ilizwi kuye esithi: Onkulunkulu bangihlanekele ngokwengezelelweyo uba ubhuqu lwaseSamariya lunganela bonke abantu bami ukulucupha ngesandla.

2 AmaKhosi 6:31

Inkosi yathi: UNkulunkulu kangihlanekele ngokwengezelelweyo uba ngingamqumi ikhanda uElisha indodana kaShafati lamuhla.

AmaHubo 45:10

Zwanake, ntombi, uqaphele, ubeke indlebe yakho; ukhohlwe abantu bakini lendlu kayihlo;

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

URuthe 1:16

Kodwa uRuthe wathi: Ungangincengi ukuba ngikutshiye lokuba ngiyekele ukukulandela; ngoba lapho uya khona, ngizakuya khona lami, lalapho uhlala khona, lami ngizahlala khona. Abantu bakini bazakuba ngabakithi, loNkulunkulu wakho abe nguNkulunkulu wami;

URuthe 4:15

Lumntwana uzakukunika ukusila okutsha, akondle ebudaleni bakho, ngoba umalokazana wakho okuthandayo, omkhulu kuwe kulamadodana ayisikhombisa, umzele.

1 USamuyeli 14:44

USawuli wathi: UNkulunkulu angihlanekele impela ngokwengezelelweyo; uzakufa impela, Jonathani.

1 USamuyeli 20:13

Uba ubaba eqonde ukukwenzela okubi, iNkosi yenze njalo kimi ngokwengezelelweyo, uba ngingakutsheli, ngikuvumele ukuba uhambe kuhle. INkosi ibe lawe njengoba ibilobaba.

1 USamuyeli 25:22

UNkulunkulu enze njalo kimi ngokwengezelelweyo, uba kusasa ngitshiya loyedwa owesilisa kwabangabakhe.

1 USamuyeli 3:17

UEli wathi: INkosi itheni kuwe na? Ungangifihleli; uNkulunkulu akuhlanekele ngokwengezelelweyo, uba ungifihlela konke akutshele khona.