URuthe 1:16 - iBhayibhili Elingcwele 1978

¹⁶ Kodwa uRuthe wathi: Ungangincengi ukuba ngikutshiye lokuba ngiyekele ukukulandela; ngoba lapho uya khona, ngizakuya khona lami, lalapho uhlala khona, lami ngizahlala khona. Abantu bakini bazakuba ngabakithi, loNkulunkulu wakho abe nguNkulunkulu wami;

IBhayibhili Elingcwele LesiNdebele

¹⁶ URuthe waphendula wathi, “Ungangincengi ukuba ngikutshiye loba ukuba ngikufulathele. Lapho oya khona ngizakuya khona, lalapho ozahlala khona ngizahlala khona. Abantu bakini bazakuba ngabakithi loNkulunkulu wakho uzakuba nguNkulunkulu wami.

URuthe 1:16 ပူးပေါင်းရင်းမြစ်များ

2 USamuyeli 15:21

Kodwa uIthayi wayiphendula inkosi wathi: Ngifunga iNkosi uNkulunkulu, futhi ngifunga wena nkosi yami, kuleyondawo ezakuba kiyo inkosi yami, loba kusekufeni loba kusekuphileni, izakuba khona lapho lenceku yakho.

AmaHubo 45:10

Zwanake, ntombi, uqaphele, ubeke indlebe yakho; ukhohlwe abantu bakini lendlu kayihlo;

Izaga 17:17

Umngane utshengisa uthando izikhathi zonke, lomzalwane uzalelwa ukusiza ekuhluphekeni.

U-Isaya 14:1

INkosi izakumhawukela uJakobe, ibuye imkhethe futhi uIsrayeli, ibabeke elizweni lakibo; labezizwe bazahlangana labo, bahlale labo.

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 3:29

Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

UZakhariya 8:23

INkosi yamabandla ithi: Ngalezonsuku abantu abalitshumi abavela ezizweni zezindimi zonke bazabamba umJuda ngengubo yakhe, bathi kuye: Sizahamba lawe ngoba sesizwile ukuba uNkulunkulu ukini.

UMatewu 8:19

Kwafika kuye umbhali, wathi kuye: Mfundisi, ngizakukulandela loba kungaphi lapho uya khona.

UJohane 13:37

UPetro wathi kuye: Nkosi, ngingekulandele ngani khathesi na? Ngizakudela ukuphila kwami ngenxa yakho.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

UJoshuwa 24:18

Yaxotsha phambi kwethu zonke izizwe, lamaAmori ayehlala kulelilizwe. Ngakhoke lathi sizayikhonza iNkosi, ngoba inguNkulunkulu wethu.

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

URuthe 1:15

UNawomi wathi: Khangela, umnakwenu usebuyele kwabakibo lakubonkulunkulu bakhe; mlandele usowenu.

URuthe 1:17

lapho uzafela khona, lami ngizafela khona, ngingcwatshelwe lapho. INkosi ingihlanekele ngokwengezelelweyo uba ngingehlukaniswa lawe yilutho ngaphandle kokufa.

URuthe 2:6

Yona yathi: Yintombi yaseMowabi eyabuya loNawomi evela elizweni laseMowabi;

URuthe 4:15

Lumntwana uzakukunika ukusila okutsha, akondle ebudaleni bakho, ngoba umalokazana wakho okuthandayo, omkhulu kuwe kulamadodana ayisikhombisa, umzele.