UNehemiya 9:6 - iBhayibhili Elingcwele 1978

⁶ Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

IBhayibhili Elingcwele LesiNdebele

⁶ Wena wedwa unguThixo. Wenza amazulu, kanye lamazulu aphezukonke, lazozonke izinkanyezi zawo, umhlaba lakho konke okukuwo, inlwandle lakho konke okukuzo. Uyapha ukuphila kukho konke, lamabutho wonke asezulwini ayakukhonza.

UNehemiya 9:6 ပူးပေါင်းရင်းမြစ်များ

UGenesisi 1:1

Ekuqaleni uNkulunkulu wadala izulu lomhlaba.

UGenesisi 1:9

UNkulunkulu wasesithi: Amanzi angaphansi kwezulu kawaqoqeke ndawonye, kubonakale umhlabathi owomileyo; kwaba njalo.

UGenesisi 2:1

Kwasekuphela ukwenziwa kwezulu lomhlaba lakho konke okukukho.

UGenesisi 32:2

UJakobe ezibona wathi: Leli libandla likaNkulunkulu. Wabiza leyondawo ngokuthi yiMahanayimi.

1 AmaKhosi 22:19

UMikaya wasesithi: Zwaninike ilizwi leNkosi uNkulunkulu. Ngayibona ihlezi esihlalweni sayo sobukhosi, lexuku lonke lasezulwini limi phansi kwayo ngakwesokunene langakwesokhohlo;

1 AmaKhosi 8:27

Kambe uNkulunkulu uzahlala yini emhlabeni? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

2 AmaKhosi 19:15

UHezekiya wakhuleka esithi: Nkosi, Nkulunkulu kaIsrayeli, wena ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

2 AmaKhosi 19:19

Ngakhoke, Nkosi Nkulunkulu wethu, sikhulule esandleni sakhe, ngiyakuncenga, ukuze yonke imibuso yomhlaba yazi ukuba wena Nkosi nguwe wedwa onguNkulunkulu.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 102:25

Endulo wawusekela umhlaba, lamazulu angumsebenzi wezandla zakho.

AmaHubo 103:21

Ibongeni iNkosi, lina lonke mabandla ayo, lina zinceku zayo ezenza intando yayo.

AmaHubo 115:15

kalibe ngababusisiweyo yiNkosi eyenza izulu lomhlaba.

AmaHubo 124:8

Usizo lwethu lusebizweni leNkosi eyenza izulu lomhlaba.

AmaHubo 146:6

yena owenza izulu lomhlaba, lolwandle lakho konke okukukho, yena othembekileyo kuze kube nininini,

AmaHubo 24:10

Ingubani liNkosi yobukhosi na? INkosi yamabandla, yiyo eyiNkosi yobukhosi.

AmaHubo 33:6

Ngelizwi leNkosi enziwa amazulu, lakho konke okukuwo ngomoya womlomo wayo.

AmaHubo 36:6

Ukulunga kwakho kunjengezintaba zikaNkulunkulu, ukwahlulela kwakho kunjengolwandle; uyasiza abantu lezinyamazana, Nkosi.

AmaHubo 86:10

Ngoba wena umkhulu, wenza izinto ezimangalisayo, unguNkulunkulu wena wedwa.

U-Isaya 37:16

esithi: Nkosi yamabandla, Nkulunkulu kaIsrayeli ohlala ngaphezu kwamakherubi, nguwe wedwa onguNkulunkulu wayo yonke imibuso yomhlaba, wenzile izulu lomhlaba.

U-Isaya 37:20

Ngakhoke, Nkosi Nkulunkulu wethu, akusikhulule esandleni sakhe, ukuze yonke imibuso yomhlaba yazi ukuba wena wedwa uyiNkosi.

U-Isaya 43:10

Lina bakoIsrayeli, lingofakazi bami, kutsho iNkosi, lenceku yami engiyikhethileyo, ukuze lazi, likholwe, liqedisise ukuba nginguye. Ngaphambi kwami kakuzanga kube khona omunye unkulunkulu, langasemva kwami kakuyikuba khona omunye.

U-Isaya 44:6

INkosi, uMbusi kaIsrayeli, loMhlengi wakhe, iNkosi yamabandla, ithi: Ngingowokuqala lowokucina; ngaphandle kwami kakukho omunye unkulunkulu.

U-Isaya 44:8

Lingesabi, lingatshaywa luvalo; angithi ngalitshela kusukela endulo na? Lina lingofakazi bami. Kambe kukhona uNkulunkulu ngaphandle kwami na? Atshi, kalikho iDwala elinjengami, kangilazi.

U-Isaya 45:12

Yimi owenza umhlaba, ngabumba umuntu ukuhlala kuwo; yizandla zami ezendlala iphezulu, ngakulawula konke okukulo ukuba kukhanye.

UJeremiya 32:17

E Nkosi Nkulunkulu! Kunguwe owenze izulu lomhlaba ngamandla akho amakhulu langengalo yakho elamandla. Kakukho okungakwahlula wena

UHezekhiyeli 20:11

Ngabanika izimiso zami, ngabatshengisa lemithetho yami, umuntu azaphila ngayo uba eyenza.

UJona 1:9

Yena wathi kibo: NgingumHeberu, ngikhonza iNkosi uNkulunkulu wezulu owenza ulwandle lomhlabathi owomileyo.

UJohane 10:30

Mina loBaba simunye.

Imisebenzi 4:24

Kwathi bona sebekuzwile baphakamisela ilizwi labo nganhliziyonye kuNkulunkulu, bathi: Nkosi, Somandla, wena owenza izulu lomhlaba lolwandle lakho konke okukukho,

UDutheronomi 10:14

Iphezulu, lezulu eliphezulu kakhulu ngeleNkosi uNkulunkulu wakho, lomhlaba lakho konke okukuwo.

UDutheronomi 32:39

Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

UDutheronomi 6:4

Zwana, Israyeli, ukuthi: INkosi inguNkulunkulu wethu, yiNkosi yinye.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 1:6

Futhi mhla eletha olizibulo emhlabeni uthi: Lezithunywa zonke zikaNkulunkulu kazimkhonze.

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.