UNehemiya 9:4 - iBhayibhili Elingcwele 1978

⁴ Ethaleni lamaLevi kwakumi oJeshuwa loBani loKadimiyeli loShebaniya loBuni loSherebiya loBani loKenani; bamemeza ngelizwi elikhulu eNkosini uNkulunkulu wabo.

IBhayibhili Elingcwele LesiNdebele

⁴ Ethaleni kwakumi abaLevi, uJeshuwa, loBhani, loKhadimiyeli, loShebhaniya, loBhuni, loSherebhiya, loBhani loKhenani, abamemeza baqongisa amazwi kuThixo uNkulunkulu wabo.

UNehemiya 9:4 ပူးပေါင်းရင်းမြစ်များ

2 ImiLando 20:19

AmaLevi abakoKohathi labakoKora asukuma ayidumisa iNkosi, uNkulunkulu kaIsrayeli, ngelizwi elikhulu.

UNehemiya 12:8

AmaLevi ayengoJeshuwa loBinuwi loKadimiyeli loSherebiya loJuda, loMathaniya, yena labafowabo yibo ababekhokhela ekuhlabeleni ingoma zokubonga.

UNehemiya 3:17

Ngemva kwakhe kwakusakha amaLevi, uRehuma indodana kaBani, elandelwa nguHashabiya, umbusi wengxenye yelizwe laseKeyila, owayesebenzela indawo yakibo.

UNehemiya 8:4

UEzra umbhali wayemi phezu kwethala ababelenzile. Kwakumi eceleni kwakhe oMathithiya loShema loAnaya loUriya loHilikiya loMahaseya ngakwesokunene; oPedaya loMishayeli loMalikiya loHashuma loHashibadana loZekariya loMeshulamu bengakwesokhohlo.

UNehemiya 8:7

OJeshuwa loBani loSherebiya loJamini loAkubi loShabethayi loHodiya loMahaseya loKelita loAzariya loJozabadi loHanani loPelaya ababengamaLevi bachasisela abantu umlayo, abantu besendaweni zabo.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 130:1

Ngiyakhuleka kuwe, Nkosi, ngisenzikini.

AmaHubo 3:4

Ngiyakhala eNkosini, yona ingiphendula isentabeni yayo engcwele.

AmaHubo 77:1

Ngiyamemeza kuNkulunkulu, ngimemeza kuNkulunkulu ongizwayo.

Izililo 3:8

Lanxa ngikhala ngicela ukusizwa, iyawala umkhuleko wami.

UJohane 11:43

Esetshilo lokhu wamemeza ngelizwi elikhulu, wathi: Lazaro, phuma.

Imisebenzi 7:60

Waseguqa phansi, wamemeza ngelizwi elikhulu, esithi: Nkosi, ungababaleli lesisono. Esetshilo lokhu wafa. USawuli wayevumelene labo ngokubulawa kwakhe.