UNehemiya 9:34 - iBhayibhili Elingcwele 1978

³⁴ amakhosi ethu lezikhulu zethu labapristi bethu labokhokho bethu kabawugcinanga umlayo wakho, kabalalelanga lemilayezelo yakho lokuxwayisa kwakho obaxwayise ngakho.

IBhayibhili Elingcwele LesiNdebele

³⁴ Amakhosi ethu, abakhokheli bethu, abaphristi bethu labobaba abawulandelanga umthetho wakho; abayinanzanga imilayo yakho izixwayiso owabapha zona.

UNehemiya 9:34 ပူးပေါင်းရင်းမြစ်များ

2 AmaKhosi 17:13

Kanti iNkosi yamxwayisa uIsrayeli loJuda ngabo bonke abaprofethi lababoni yathi: Tshiyani indlela zenu ezimbi, ligcine imithetho yami lezimiso zami ezisemlayweni engalaya okhokho benu ngawo lengawuthumela kini ngenceku zami abaprofethi.

2 AmaKhosi 17:15

Badelela izimiso zayo lesivumelwano eyasenza lokhokho babo lezixwayiso eyabanika zona. Balandela izithombe ezilize, labongokwabo baba yilize, balandela izizwe ezazibahanqile iNkosi eyayibatshele ukuba bangenzi njengazo.

2 ImiLando 29:6

Ngoba obaba babengathembekanga, benza okubi phambi kweNkosi uNkulunkulu wethu, bayidelela, bayitshiya indlu yayo, bayifulathela.

U-Ezra 9:10

Khathesike, Nkulunkulu wethu, sizakuthini ngemva kwalokho na? Ngoba siyidelile imilayo yakho,

UNehemiya 9:30

Wababekezelela iminyaka eminengi, wabaxwayisa ngomoya wakho ngabaprofethi bakho; kodwa kabalalelanga. Ngakhoke wabanikela ebantwini bezizwe.

UNehemiya 9:33

Wena ubulungile kukho konke okusehleleyo, wena ubuthembekile, thina senza okubi;

UNehemiya 9:35

Kabakukhonzanga embusweni wabo besakholisa ukuphumelela okukhulu owabanika khona lamazwe abanzi avundileyo owabanika wona; kabazitshiyanga izenzo zabo ezimbi.

UJeremiya 29:19

ngoba bengawalalelanga amazwi ami engawathuma kibo ngezinceku zami abaprofethi, ngiwathuma njalonjalo, kodwa kabalalelanga, kutsho iNkosi.

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UHezekhiyeli 5:6

Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.

UDanyeli 9:6

kasilalelanga inceku zakho abaprofethi, ezikhulume ebizweni lakho emakhosini ethu, lasezikhulwini zethu, lakubokhokho, lakibo bonke abantu belizwe.

UDutheronomi 31:21

Nxa sebehlelwe ngokubi okunengi lenhlupheko ezinengi, lingoma izakuba yibufakazi phambi kwabo; ngoba kayiyikukhohlakala emilonyeni yenzalo yabo. Ngiyawazi amacebo asebewenza khathesi, ngingakabangenisi elizweni engathembisa ukubanika lona.