UNehemiya 9:2 - iBhayibhili Elingcwele 1978

² AbakoIsrayeli bazahlukanisa labo bonke abezizweni, bema bavuma izono zabo lobubi babokhokho babo.

IBhayibhili Elingcwele LesiNdebele

² Labo ababengabako-Israyeli ngomdabuko bazehlukanisa kwabezizwe. Bema ezindaweni zabo bavuma izono zabo lobubi babokhokho babo.

UNehemiya 9:2 ပူးပေါင်းရင်းမြစ်များ

1 AmaKhosi 8:47

baphenduke elizweni abathunjelwe kilo, bakhuleke kuwe elizweni lelo bathi: Sonile, senza okungalunganga lokubi;

U-Ezra 10:11

Ngakhoke vumani isono senu eNkosini uNkulunkulu wabokhokho benu, lenze intando yayo; zahlukaniseni labantu balelilizwe, lilahle abafazi bezizweni.

U-Ezra 6:21

Ladliwa ngabakoIsrayeli ababebuyile ekuthunjweni, layibo bonke ababezihlanganise labo, bezehlukanisa lamanyala abantu balelolizwe ukukhonza iNkosi, uNkulunkulu kaIsrayeli.

U-Ezra 9:1

Kwathi sekwenziwe konke lokho, izinduna zeza kimi zathi: AbakoIsrayeli labapristi lamaLevi kabazahlukanisanga labantu bezizwe lamanyala abo, amaKanani lamaHethi lamaPerizi lamaJebusi lamaAmoni lamaMowabi lamaGibithe lamaAmori.

U-Ezra 9:15

Nkosi, Nkulunkulu kaIsrayeli, wena ulungile, usitshiyile siyingcosana ephunyukileyo njengalamhlanje. Sesikhona phambi kwakho lezono zethu: ngenxa yazo kakho loyedwa ongema phambi kwakho.

U-Ezra 9:2

Bazithathele emadodakazini azo ukuba abe ngomkabo labamadodana abo, kwaze kwaxubana isizwe esingcwele labantu bezizwe. Kulobububi izinduna lezikhulu yizo eziphambili.

UNehemiya 1:6

akubeke indlebe yakho, uvule lamehlo akho, ukuzwa umkhuleko wenceku yakho engiwukhuleka kuwe emini lebusuku ngabantu bakoIsrayeli, izinceku zakho, ngivuma izono zabo esizenzileyo kuwe. Yebo, mina lendlu kababa sonile.

UNehemiya 10:28

Abantu abaseleyo abangabapristi lamaLevi labalindi bamasango labahlabeleli lezinceku zasethempelini labo bonke abazahlukanisayo ebantwini bezizwe ukuba bagcine umlayo kaNkulunkulu, labomkabo lamadodana abo lamadodakazi abo, labo bonke abantwana abaqedisisayo,

UNehemiya 10:29

bazihlanganisa labakibo, izikhulu zabo, bazibopha ngesifungo sokuhamba ngomlayo kaNkulunkulu owanikwa ngoMose inceku kaNkulunkulu, lokuyigcina bayenze yonke imilayezelo yeNkosi yethu lemithetho yayo lezimiso zayo.

UNehemiya 13:3

Kwathi abantu sebewuzwile umlayo babakhupha koIsrayeli bonke labo abadabuka ezizweni.

UNehemiya 13:30

Ngabahlambulula ngokunjalo kukho konke okwezizweni, ngamisa imisebenzi yabapristi lamaLevi, ngabanika bonke imisebenzi yabo;

AmaHubo 144:11

Ngophula emhedleni olesihluku, ungikhulule esandleni sabezizwe abamilomo yabo ikhuluma amanga, abasandla sabo sokunene siyisandla senkohliso.

AmaHubo 144:7

Yelula isandla sakho uphezulu, ungophule ungikhulule emanzini amanengi, lasesandleni sabezizwe,

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 2:6

INkosi ibalahlile abantu bayo abendlu kaJakobe, ngoba ilizwe labo ligcwele abalumbi basempumalanga, lezanuse njengamaFilistiya, bahlangane labezizwe.

UJeremiya 14:20

Siyakuvuma ukona kwethu, Nkosi, lobubi babokhokho bethu, ngoba sonile kuwe.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UDanyeli 9:20

Kwathi ngisakhuluma ngikhuleka, ngivuma izono zami lezono zabantu bakithi uIsrayeli, ngincenga iNkosi uNkulunkulu wami ngentaba engcwele kaNkulunkulu wami,

UHosiya 5:7

Bayikhohlisile iNkosi, ngoba bazele abantwana bezizweni. Khathesike ohlaselayo uzabachitha lamazwe abo.