UNehemiya 9:16 - iBhayibhili Elingcwele 1978

¹⁶ Kodwa okhokho bazikhukhumeza, baba lenkani, kabayilalelanga imilayo yakho.

IBhayibhili Elingcwele LesiNdebele

¹⁶ Kodwa bona, okhokho bethu, baba yiziqholo baqinisa intamo, kabaze balalela imilayo yakho.

UNehemiya 9:16 ပူးပေါင်းရင်းမြစ်များ

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

2 ImiLando 29:6

Ngoba obaba babengathembekanga, benza okubi phambi kweNkosi uNkulunkulu wethu, bayidelela, bayitshiya indlu yayo, bayifulathela.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

UNehemiya 9:10

wenza izibonakaliso ezimangalisayo kuFaro lakuzo zonke inceku zakhe lakubo bonke abantu belizwe lakhe, ngoba wazi ukuba benza okubi kubokhokho; wazenzela ibizo njengalamhlanje.

UNehemiya 9:29

Wabaxwayisa ukuze babuyele emlayweni wakho; kodwa bazikhukhumeza, kabayilalelanga imilayo yakho; bayephula imithetho yakho umuntu aphila ngokuyilalela; baqinisa amakhanda, baba lenkani, kabaze balalela.

AmaHubo 106:6

Sonile thina labokhokho bethu, senzile okungalunganga, sonakele.

AmaHubo 81:8

Zwanini, bantu bami, lapho ngiliqondisa. Wena Israyeli, kungathi lingalalela!

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Eksodasi 32:9

INkosi yathi kuMose: Sengibabonile lababantu ukuthi bangabantu abanhliziyo zilukhuni;

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

U-Isaya 48:4

Ngoba ngiyazi ukuthi ulenkani, lentamo yakho injengensimbi, lebunzi lakho linjengethusi,

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

UJeremiya 2:31

Wena sizukulwana, lalela ilizwi leNkosi. Benginjengenkangala kuIsrayeli, lelizwe elilomnyama omkhulu na? Phoke, batsholoni abantu bami ukuthi: Sesikhululekile, kasisayikuza kuwe futhi?

UJeremiya 7:26

Kodwa kabangizwanga, kabalalelanga, baba lenkani; benza okubi kulabokhokho babo.

UHezekhiyeli 5:6

Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

UDutheronomi 31:27

Ngoba ngiyazi ukuthi lingabaxhwalayo, lenhliziyo zenu zilukhuni; lanxa ngisekhona beliyihlamuka iNkosi; pho, lizahlamuka kangakanani lapho sengifile na?

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 9:13

INkosi yaphinda yathi kimi: Ngibonile ukuthi lababantu bangabantu abanhliziyo zilukhuni.

UDutheronomi 9:27

Khumbula inceku zakho oAbrahama loIsaka loJakobe, ungakhangeli inkani yalababantu lobubi babo lesono sabo,

UDutheronomi 9:6

Yazike ukuthi iNkosi uNkulunkulu wakho kayikuniki lelilizwe elihle ukuba libe ngelakho ngenxa yokulunga kwakho; ngoba uyisizwe esilenhliziyo elukhuni.

AmaHebheru 3:13

Kodwa layanani insuku ngensuku kusathiwa kulamuhla, ukuze kungabi khona kini owenziwa lukhuni yikukhohlisa kwesono.

AmaHebheru 3:15

Kuthiwa: Lamuhla, uba lilizwa ilizwi lakhe, lingazenzi zibe lukhuni inhliziyo zenu njengasekuthukutheliseni.