UNehemiya 8:9 - iBhayibhili Elingcwele 1978

⁹ UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

IBhayibhili Elingcwele LesiNdebele

⁹ Kwasekusithi uNehemiya umbusi, lo-Ezra umphristi lombhali, kanye labaLevi ababefundisa abantu bathi kubo bonke, “Lelilanga lingcwele kuThixo uNkulunkulu wenu. Lingalili kumbe likhale.” Kwakungoba bonke babekhala lapho babelalele amazwi oMthetho.

UNehemiya 8:9 ပူးပေါင်းရင်းမြစ်များ

2 AmaKhosi 22:11

Kwathi inkosi isizwile amazwi encwadi yomlayo, yadabula izigqoko zayo.

2 AmaKhosi 22:19

Njengoba uzwile amazwi ami, lenhliziyo yakho idabukile, wazithoba phambi kwami nxa usizwa engikutshoyo ngalindawo langabakhileyo kiyo ukuba bazakuchitheka babe yisiqalekiso, wadabula izigqoko zakho, wakhala phambi kwami, ngakho lami ngikuzwile, kutsho iNkosi;

2 ImiLando 15:3

Isikhathi eside abakoIsrayeli babengelaye uNkulunkulu weqiniso, bengelaye umpristi wokubafundisa, bengelawo umlayo.

2 ImiLando 30:22

UHezekiya wawakhuthaza wonke amaLevi atshengisa ukuhlakanipha enkonzweni yeNkosi. Abantu badla ukudla komkhosi insuku eziyisikhombisa benikela iminikelo yokuthula, beyibonga iNkosi, uNkulunkulu wabokhokho babo.

2 ImiLando 34:19

Kwathi inkosi isiwazwile amazwi omlayo yadabula izigqoko zayo.

2 ImiLando 34:21

Hambani liyesibuzela eNkosini uNkulunkulu mina lalabo abaseleyo koIsrayeli lakoJuda mayelana lamazwi alolugwalo olufunyenweyo; ngoba lukhulu ulaka lweNkosi olusehleleyo, ngoba obaba kabaligcinanga ilizwi layo ukuba benze njengokulotshiweyo kulolugwalo.

2 ImiLando 35:3

Wathi kumaLevi ayebafundisa bonke abakoIsrayeli ayengcwele eNkosini: Fakani umtshokotsho wesivumelwano endlini uSolomoni indodana kaDavida inkosi yakoIsrayeli ayakhayo; kakusadingeki ukuba liwuthwale ngamahlombe enu. Khonzani iNkosi uNkulunkulu wenu lisebenzele labantu bayo uIsrayeli.

U-Ezra 2:63

Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

U-Ezra 7:11

Nansi incwadi inkosi uAtakisekisi eyayinika uEzra umpristi umbhali owaziyo imilayo yeNkosi lemithetho yayo eyabekwa koIsrayeli.

UNehemiya 10:1

Labo abafaka uphawu lwabo kulesisivumelwano babengoNehemiya umbusi indodana kaHakaliya loZedekiya

UNehemiya 12:26

Labo babekhona ensukwini zikaJoyakimi indodana kaJeshuwa kaJozadaki, lasensukwini zikaNehemiya umbusi loEzra umpristi lombhali.

UNehemiya 7:65

Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

UNehemiya 7:70

Ezinye inhloko zezindlu zanikela emsebenzini. Umbusi wanikela esikhwameni somsebenzi inhlamvu zegolide eziyinkulungwane, lemiganu yokuchela engamatshumi amahlanu, lezambatho zabapristi ezingamakhulu amahlanu lamatshumi amathathu.

UNehemiya 8:2

UEzra umpristi wawuletha umlayo phambi kwebandla labesilisa labesifazana, labantwana bonke ababelamandla okuqedisisa. Kwakulusuku lokuqala lwenyanga yesikhombisa.

UmTshumayeli 3:4

isikhathi sokukhala, lesikhathi sokuhleka; isikhathi sokulila, lesikhathi sokugida;

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

ULevi 23:24

Tshono ebantwini bakoIsrayeli uthi: Usuku lokuqala lwenyanga yesikhombisa luzakuba lusuku lokuphumula kini, usuku oluyisikhumbuzo olumenyezelwa ngokutshwaywa kwezimpondo, kube lenkonzo enkulu ngalo.

UMalaki 2:13

Lalokhu futhi liyakwenza. Lithela ialtare leNkosi ngenyembezi, likhale, libubule, ngoba ingasawunanzi umnikelo, ungasamukeleki kuyo.

AbaseRoma 3:20

Ngoba ngemisebenzi yomlayo kakho ozakulungisiswa phambi kwakhe, lokhu ngomlayo kuvela ukwazi isono kuphela.

AbaseRoma 7:9

Minake ngake ngasila ngaphandle komlayo; kodwa kwathi sekufikile umthetho, isono savuka,

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

UDutheronomi 16:11

Endaweni iNkosi ezakuyikhetha ukuba lidunyiselwe kiyo lizakuthokoza phambi kwayo lina lamadodana enu lamadodakazi enu, lenceku zenu lencekukazi zenu, lomLevi ohlala emizini yenu, lowezizweni, lentandane, lomfelwakazi, abahlala kini.

UDutheronomi 26:14

Kangidlanga lokukodwa okwetshumi lapho bengilila, kangikuthathanga lapho bengingcolile, kangikunikelanga kofileyo; ngililalele ilizwi leNkosi uNkulunkulu wami, ngenzile njengokungilaya kwakho.

UJakhobe 4:9

Danani, lilile, likhale. Ukuhleka kwenu kakuphendulwe ukulila, lokuthokoza kwenu kuphendulwe ukudana.