UNehemiya 8:2 - iBhayibhili Elingcwele 1978

² UEzra umpristi wawuletha umlayo phambi kwebandla labesilisa labesifazana, labantwana bonke ababelamandla okuqedisisa. Kwakulusuku lokuqala lwenyanga yesikhombisa.

IBhayibhili Elingcwele LesiNdebele

² Yikho kwathi ngelanga lokuqala lenyanga yesikhombisa u-Ezra umphristi wawuletha uMthetho phambi komhlangano, owawugcwele amadoda labafazi labo bonke ababelokuzwisisa.

UNehemiya 8:2 ပူးပေါင်းရင်းမြစ်များ

UNehemiya 10:29

bazihlanganisa labakibo, izikhulu zabo, bazibopha ngesifungo sokuhamba ngomlayo kaNkulunkulu owanikwa ngoMose inceku kaNkulunkulu, lokuyigcina bayenze yonke imilayezelo yeNkosi yethu lemithetho yayo lezimiso zayo.

UNehemiya 13:1

Ngalolosuku bababalela abantu ugwalo lukaMose; kwafunyaniswa kulotshiwe kulo ukuthi abaseAmoni labaseMowabi kabasoze bangene ebandleni likaNkulunkulu,

UNehemiya 8:18

Insuku zonke kusukela osukwini lokuqala kwaze kwaba ngolokucina kwabalwa ugwalo lomlayo kaNkulunkulu. Bawugcina umkhosi insuku eziyisikhombisa; kwathi ngosuku lwesificaminwembili kwaba khona inkonzo yokucina, njengokumiswa komthetho.

UNehemiya 8:9

UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

UNehemiya 9:1

Ngosuku lwamatshumi amabili lane lwaleyonyanga abakoIsrayeli babuthanela ukuzila ukudla, begqoke izambatho zokulila, begcwele uthuli emakhanda.

U-Isaya 28:9

Bathi: Lumprofethi uthi uzafundisa bani ukwazi, uthi uzachasisela bani ilizwi na? Abakhunyuliweyo ebeleni na?

ULevi 23:24

Tshono ebantwini bakoIsrayeli uthi: Usuku lokuqala lwenyanga yesikhombisa luzakuba lusuku lokuphumula kini, usuku oluyisikhumbuzo olumenyezelwa ngokutshwaywa kwezimpondo, kube lenkonzo enkulu ngalo.

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

AmaNani 29:1

Ngosuku lokuqala lwenyanga yesikhombisa lizakuba lenkonzo enkulu; lingenzi umsebenzi ngalo. Kuzakuba lusuku lokutshaya impondo.

Imisebenzi 15:21

Ngoba uMose ulabo abamtshumayelayo emizini yonke kusukela ezizukulwaneni zasendulo, uyafundwa emasinagogeni amaSabatha wonke.

UDutheronomi 17:18

Kuzakuthi nxa ebekwa esihlalweni sakhe sobukhosi azilobele lumlayo encwadini, alobe lawomazwi asencwadini ephethwe ngabapristi abangamaLevi.

UJoshuwa 8:35

Kakukho lelilodwa ilizwi uMose alilayayo angalifundanga uJoshuwa phambi kwebandla lakoIsrayeli kanye labesifazana labantwana labezizweni abahlala phakathi kwabo.