UNehemiya 8:18 - iBhayibhili Elingcwele 1978

¹⁸ Insuku zonke kusukela osukwini lokuqala kwaze kwaba ngolokucina kwabalwa ugwalo lomlayo kaNkulunkulu. Bawugcina umkhosi insuku eziyisikhombisa; kwathi ngosuku lwesificaminwembili kwaba khona inkonzo yokucina, njengokumiswa komthetho.

IBhayibhili Elingcwele LesiNdebele

¹⁸ Insuku ngensuku, kusukela kolokuqala kusiya kolokucina, u-Ezra wayebala eNcwadini yoMthetho kaNkulunkulu. Bawuthakazelela lowo mkhosi okwensuku eziyisikhombisa, kwathi ngosuku lwesificaminwembili, kwabakhona umhlangano omkhulu, njengokumisiweyo emthethweni.

UNehemiya 8:18 ပူးပေါင်းရင်းမြစ်များ

UNehemiya 8:2

UEzra umpristi wawuletha umlayo phambi kwebandla labesilisa labesifazana, labantwana bonke ababelamandla okuqedisisa. Kwakulusuku lokuqala lwenyanga yesikhombisa.

UNehemiya 8:3

Wabala ekhangelene legceke elaliphambi kweSango laManzi kusukela ekuseni kwaze kwaba semini, phambi kwabesilisa labesifazana, labantwana bonke abalamandla okuqedisisa; abantu bawulalela umlayo.

ULevi 23:36

Lizakunikela umnikelo owenzelwe iNkosi ngomlilo insuku eziyisikhombisa. Ngosuku lwesificaminwembili lizakwenza inkonzo enkulu, linikele umnikelo owenzelwe iNkosi ngomlilo. Kuyinkonzo yokucina, ngakho kaliyikusebenza.

ULevi 23:41

Lizakuwugcina ube ngumkhosi eNkosini insuku eziyisikhombisa ngomnyaka. Lokhu kuyisimiso esingelakuphela ezizukulwaneni zenu; liwugcine ngenyanga yesikhombisa.

AmaNani 29:35

Ngosuku lwesificaminwembili lizakuba lenkonzo yokucina; lingenzi umsebenzi ngalo,

UJohane 7:37

Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.