UNehemiya 8:16 - iBhayibhili Elingcwele 1978

¹⁶ Basebehambake abantu, babuya lazo, bazakhela amadumba, ilowo lalowo ophahleni lwendlu yakhe, lasemagumeni abo, lasegumeni lendlu kaNkulunkulu, lasegcekeni eliseSangweni laManzi leliseSangweni lakoEfrayimi.

IBhayibhili Elingcwele LesiNdebele

¹⁶ Ngakho abantu baphuma babuya lamagatsha bazakhela izihonqo ephahleni lwezindlu zabo, emagumeni abo, emagumeni endlu kaNkulunkulu lasegcekeni eliseSangweni laManzi lalelo elaliseSangweni lika-Efrayimi.

UNehemiya 8:16 ပူးပေါင်းရင်းမြစ်များ

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

2 AmaKhosi 14:13

UJowashi inkosi yakoIsrayeli wambamba uAmaziya inkosi yakoJuda, indodana kaJowashi kaAhaziya, eBeti‐Shemeshi; wafika eJerusalema, wadilizela phansi umduli weJerusalema ibanga elilengalo ezingamakhulu amane, kusukela eSangweni lakoEfrayimi kusiya eSangweni leNgonsi.

2 ImiLando 20:5

UJehoshafati wema ebandleni lakoJuda lelaseJerusalema ethempelini, ngaphambi kweguma elitsha,

2 ImiLando 33:5

Wakhela zonke inkanyezi zaphezulu ama‐altare emagumeni womabili ethempeli.

UNehemiya 12:37

Bedlula iSango loMthombo, baqhubekela phambili bekhwela izinyathelo zokuya emzini kaDavida eduze lomqanso womduli womuzi, badlula indlu kaDavida, baya eSangweni laManzi ngasempumalanga.

UNehemiya 12:39

ngaphezu kweSango lakoEfrayimi, eduze leSango eLidala leduze leSango leNhlanzi loMphotshongo kaHananeli loMphotshongo weKhulu, saya eSangweni leZimvu; safika sema eSangweni laBalindi.

UNehemiya 3:26

waze wafika endaweni emaqondana leSango laManzi lasemphotshongweni othutsha lapho. — Inceku zasethempelini zazihlala eOfeli —

UNehemiya 8:1

Bonke abantu babuthana njengomuntu munye egcekeni eliphambi kweSango laManzi; bacela uEzra umbhali ukuletha ugwalo lomlayo kaMose iNkosi eyayiwunike uIsrayeli.

UNehemiya 8:3

Wabala ekhangelene legceke elaliphambi kweSango laManzi kusukela ekuseni kwaze kwaba semini, phambi kwabesilisa labesifazana, labantwana bonke abalamandla okuqedisisa; abantu bawulalela umlayo.

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 32:29

AmaKaladiya ahlasela lumuzi azafika, awuthungele ngomlilo, awutshise kanye lezindlu obekunikelelwa phezu kwazo impepha kuBali, lobekuthululelwa phezu kwazo iminikelo yokuthululwa kwabanye onkulunkulu ukungicunula.

UDutheronomi 22:8

Nxa usakha indlu entsha, uzakwenza umduli ophahleni lwayo, ukuba umuntu angawi khona, kungabi lecala legazi endlini yakho.