UNehemiya 8:10 - iBhayibhili Elingcwele 1978

¹⁰ UEzra wasesithi kibo: Hambani kuhle, lidle inyama enonileyo, linathe iwayini elimnandi, labelane labo izabelo bonke abangelalutho; ngoba lolusuku lungcwele eNkosini yethu, kungabi khona ukudana, ngoba ukuthokoza ngeNkosi kungamandla enu.

IBhayibhili Elingcwele LesiNdebele

¹⁰ UNehemiya wathi, “Hambani liyozitika ngokudla okumnandi lokunathwayo okumnandi, okunye likuthumele labo abangelakho okulungisiweyo. Ilanga lanamhla lingcwele kuThixo wethu. Malingadani, ngoba ukuthokoza kukaThixo kungamandla enu.”

UNehemiya 8:10 ပူးပေါင်းရင်းမြစ်များ

1 AmaKhosi 8:66

Ngosuku lwesificaminwembili uSolomoni wabadabulela abantu; bambonga, baya emizini yabo bethokoza bejabula enhliziyweni ngakho konke okuhle iNkosi uNkulunkulu eyayikwenzele uDavida inceku yayo loIsrayeli abantu bayo.

1 ImiLando 16:27

Udumo lobukhosi kuphambi kwayo, amandla lentokozo kusendaweni yayo.

UNehemiya 8:11

AmaLevi asebathulisa bonke abantu esithi: Thulani, ngoba lolusuku lungcwele, lingadani.

UNehemiya 8:12

Bonke abantu basebehamba, badla banatha, babelana labanye, bathokoza kakhulu, ngoba babewazwile kuhle amazwi ayekhulunywe kibo.

U-Esta 9:19

Yilokhu okwenza ukuba abaJuda abahlala emizini engabiyelwanga bagcine usuku lwetshumi lane lwenyanga ethiwa nguAdari, benze idili lokuthokoza, lube lusuku lokuphumula, banikane izipho zokudla.

U-Esta 9:22

ngoba ngalezonsuku abaJuda bazuza ukukhululwa ezitheni zabo, langaleyonyanga usizi lwabo lwaphendulwa lwaba yikuthokoza, lezikhathi zokulila zaba yizikhathi zokuphumula; bazigcine zibe zinsuku zedili lokuthokoza, lensuku zokuphana izipho zokudla, lezokupha abayanga.

AmaHubo 149:2

UIsrayeli kathokoze ngoMenzi wakhe, lamadodana aseZiyone athabe eNkosini yawo.

AmaHubo 89:17

Ngoba wena uludumo lwabo lamandla abo; ngomusa wakho sizakuba lokunqoba.

Izaga 17:22

Othokozayo unjengomuthi omuhle, kodwa umoya owaphukileyo ugulisa umzimba.

UmTshumayeli 11:2

Gcinisa impahla yakho emisebenzini eyisikhombisa loba eficaminwembili, ngoba kawukwazi okubi okuzakwenzeka emhlabeni.

UmTshumayeli 2:24

Kakukho okungcono emuntwini okwedlula ukudla lokunatha lokuzuza intokozo emsebenzini wakhe; kodwa ngabona ukuthi lalokho kuvela kuNkulunkulu;

UmTshumayeli 3:13

lokuthi kuyisipho sikaNkulunkulu ebantwini ukuba bonke badle banathe bazithokozise ngomsebenzi wabo.

UmTshumayeli 5:18

Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

Ingoma 5:1

Sengingena esivandeni sami, dadewethu lomlobokazi wami, ngiyabutha imure yami lamakha ami, ngidle inyosi zami loluju lwami, nginathe iwayini lami lochago lwami. Dlanini, bangane bami, linathe, lize lidakwe luthando.

U-Isaya 49:5

Ngingakazalwa iNkosi yangikhetha, yangenza inceku yayo yokubuyisa uJakobe kuyo lokubuthela kuyo uIsrayeli; iNkosi inginika udumo, ngizuza amandla kuyo.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

UJoweli 2:23

Thabani, lina beZiyone, lithokoze ngeNkosi, uNkulunkulu wenu; ngoba ilinikile izulu lensewula ukuba ilibusise, yalinisela izulu elinengi, lensewula lelamuva njengakuqala.

UZakhariya 14:21

Zonke imbiza eJerusalema lakoJuda zizakwahlukaniselwa iNkosi yamabandla, ukuba bonke abanikela umhlatshelo bazithathe, bapheke ngazo inyama yomhlatshelo. Kakusayikuba khona umthengi endlini yeNkosi yamabandla ngalolosuku.

ULukha 11:41

Kodwa phanini kube yiziphiwo lezozinto ezingaphakathi; khangelanike, konke kuzakuhlambuluka kini.

2 AbaseKhorinte 8:2

ukuthi ekulingweni okukhulu ngezinhlupheko ezingaka ukuthokoza kwawo kube kukhulu, aze aphana ngokupheleleyo ebuyangeni bawo obukhulu.

AbaseFiliphi 3:4

Kodwa mina uqobo bengingaba lokuthembela kokomzimba. Uba umuntu ecabanga ukuthi ulokuthembela kokomzimba, mina ngilakho kakhulu;

Isambulo 11:10

Labakhileyo emhlabeni bazakuthokoza ngabo, bathabe, banikane izipho, ngoba lababaprofethi ababili babeluhlupho kulabo abakhileyo emhlabeni.

1 USamuyeli 25:8

Buza insizwa zakho, zizakukutshela. Yamukela ngomusa insizwa zami, ngoba sifike ngosuku lomkhosi. Akunike inceku zakho lendodana yakho uDavida lokho olakho.