UNehemiya 7:70 - iBhayibhili Elingcwele 1978

⁷⁰ Ezinye inhloko zezindlu zanikela emsebenzini. Umbusi wanikela esikhwameni somsebenzi inhlamvu zegolide eziyinkulungwane, lemiganu yokuchela engamatshumi amahlanu, lezambatho zabapristi ezingamakhulu amahlanu lamatshumi amathathu.

IBhayibhili Elingcwele LesiNdebele

⁷⁰ Ezinye inhloko zezimuli zancedisa emsebenzini. Umbusi wanikela esikhwameni esikhulu, amadrakhima egolide ayinkulungwane (1,000), imiganu engamatshumi amahlanu (50) lezigqoko zabaphristi ezingamakhulu amahlanu lamatshumi amathathu (530).

UNehemiya 7:70 ပူးပေါင်းရင်းမြစ်များ

1 AmaKhosi 7:45

imbiza lamafotsholo lemiganu yokuchela, zonke lezizinto ezazisendlini yeNkosi uNkulunkulu uHiramu azenzela inkosi uSolomoni zazingezethusi elikhazimulayo.

1 ImiLando 28:17

Wamtshela langobunzima begolide elihle lamafolokwe, lobemiganu yokuchela lobezinkezo, lobunzima baleso lalesositsha segolide, lobaleso lalesositsha sesiliva.

2 ImiLando 4:11

UHuramu wenza izimbiza lamafotsholo lemiganu yokuchela. Wasewuqeda umsebenzi ayewenzela uSolomoni endlini kaNkulunkulu,

2 ImiLando 4:8

Wenza lamatafula alitshumi, wawabeka ethempelini, amahlanu aba ngaseningizimu, amahlanu aba ngasenyakatho. Wenza lemiganu yokuchela elitshumi.

UNehemiya 10:1

Labo abafaka uphawu lwabo kulesisivumelwano babengoNehemiya umbusi indodana kaHakaliya loZedekiya

UNehemiya 7:65

Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

UNehemiya 7:69

amakamela abo engamakhulu amane lamatshumi amathathu lanhlanu, labobabhemi babo bezinkulungwane eziyisithupha lamakhulu ayisikhombisa lamatshumi amabili.

UNehemiya 7:71

Ezinye inhloko zezindlu zanikela esikhwameni somsebenzi inhlamvu zegolide ezizinkulungwane ezingamatshumi amabili lamashekeli esiliva azinkulungwane ezilikhulu letshumi.

UNehemiya 8:9

UNehemiya owayengumbusi, loEzra umpristi lombhali, lamaLevi ayefundisa abantu, bathi ebantwini bonke: Lolu lusuku olungcwele eNkosini uNkulunkulu wenu; lingalili likhale. Ngoba bonke abantu bakhala lapho besizwa amazwi omlayo.

U-Eksodasi 12:22

lithathe ihisope, liyicwilise egazini elisemganwini, lininde umgubazi lensika zombili zomnyango ngegazi elisemganwini; kakungaphumi muntu endlini yakhe kuze kube sekuseni.

U-Eksodasi 24:6

UMose wathatha ingxenye yegazi, wayithela emiganwini; lengxenye wayikhaphazela ealtareni.

UJeremiya 52:19

kanye lemiganywana, lezitsha zokuthwala umlilo, lemiganu yokuchela, lezimbiza, lezinti zezibane, lezinkezo zempepha, lemiganu yomnikelo wokuthululwa. Okwakwenziwe ngegolide induna yabalindi yakuthatha, lalokho okwakwenziwe ngesiliva yakuthatha.