UNehemiya 5:7 - iBhayibhili Elingcwele 1978

⁷ Ngathi sengicabangile ngasola izikhulu lezinduna, ngathi kuzo: Khangelani ubunzima omunye lomunye wenu abethwese umfowabo! Ngababizela umhlangano omkhulu, ngabasola,

IBhayibhili Elingcwele LesiNdebele

⁷ Ngakuhlolisisa kuhle konke lokhu engqondweni yami ngasengicala izikhulu lezinduna. Ngathi, “Libhadalisa abantu bakini inzuzo!” Ngasengibiza umhlangano omkhulu ukuthi ngiqondane labo,

UNehemiya 5:7 ပူးပေါင်းရင်းမြစ်များ

AmaHubo 109:11

Labo aboleka kibo bamthathele konke alakho, labezizweni baphange izithelo zomsebenzi wakhe,

AmaHubo 15:1

Nkosi, ngubani ongahlala endlini yakho na? Ngubani ongakha entabeni yakho engcwele na?

AmaHubo 15:5

ongabolekisi imali yakhe ukuze azuze umvuzo, longamukeli umvuzo ngongelacala. Owenza lezizinto kayikunyikinywa kuze kube nininini.

AmaHubo 27:8

Wena uthe: Funani ubuso bami. Inhliziyo yami ithi kuwe: Ubuso bakho, Nkosi, ngizakubufuna.

AmaHubo 4:4

Yesabani, lingoni; nakanani ekulaleni kwenu lilele, lithule.

AmaHubo 94:16

Ngubani ozakungimela kubo ababi na? Ngubani ozakungelekelela kubo abangalunganga na?

U-Eksodasi 22:24

luvuthe ulaka lwami, ngilibulale empini, omkenu babe ngabafelwakazi labantwana benu babe yizintandane.

U-Eksodasi 22:25

Uba liseboleka umyanga othile ebantwini bami imali, lingamphathi njengomebolekisi, lingathathi inzalo kuye.

Izaga 27:5

Kungcono ukukhuzwa ngokusobala kulokufihlelwa uthando.

Izaga 28:4

Abaphula umlayo badumisa ababi, kodwa labo abagcina umlayo balwa labo.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UHezekhiyeli 45:9

INkosi uNkulunkulu ithi: Kwanele, lina zikhulu zakoIsrayeli! Lahlani isihluku lokucindezela, lenze ukwahlulela lokulunga, likhawule ukuxotsha abantu bami, kutsho iNkosi uNkulunkulu.

ULevi 19:15

Lingahluleli ngokungalungi; lingakhethi ongumyanga loba omkhulu, kodwa lahlulele umakhelwane wenu ngokulungileyo.

ULevi 25:36

Ungathathi kuye umvuzo lenzuzo, kodwa wesabe uNkulunkulu wakho, umvumele umfowenu ukuba ahlale lawe.

UMatewu 18:17

Alubana esala ukubezwa bona, tshela ibandla; uba esala ukuzwa lalo ibandla, kabe njengowezizwe lomthelisi kuwe.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

AbaseGalathiya 2:11

Kodwa ekufikeni kukaKefasi eAntiyoki ngamelana laye ubuso lobuso, ngoba wayesoleka.

1 uTimothi 5:20

Abonayo ubasole phambi kwabo bonke ukuze besabe labanye.

UThithu 2:15

Tshumayela lezizinto, ulaye, ukhuze ngamandla wonke. Ungadelelwa muntu.