UNehemiya 5:5 - iBhayibhili Elingcwele 1978

⁵ Sinyamanye labazelwane bethu, labantwana bethu bayafanana lababo; kanti khathesi sicindezelwa ukuba senze amadodana ethu lamadodakazi ethu abe yizigqili; amanye amadodakazi ethu aseyizigqili; kasilawo amandla okuwasiza, ngoba abanye abantu sebesithathele amasimu ethu lezivini zethu.

IBhayibhili Elingcwele LesiNdebele

⁵ Loba siyinyamanye legazi linye labantu bakithi njalo loba amadodana ethu elingana lawabo, kodwa sizibona sesifuqela amadodana lamadodakazi ethu ebugqilini. Abanye bamadodakazi ethu bavele sebegqilaziwe, kodwa kasilamandla, ngoba amasimu ethu lezivini zethu sekungokwabanye.”

UNehemiya 5:5 ပူးပေါင်းရင်းမြစ်များ

UGenesisi 29:14

ULabani wathi kuye: Impela ungowegazi lami. Wahlala laye inyanga yonke.

UGenesisi 37:27

Wozani, simthengise kumaIshmayeli, singabeki zandla zethu kuye, ngoba umgumfowethu, uligazi lethu. Abafowabo bavumelana laye.

2 AmaKhosi 4:1

Kwakhala kuElisha umfazi womunye umprofethi wathi: Inceku yakho umkami sewafa; uyazi ukuba inceku yakho yayiyesaba iNkosi, sekufikile umuntu esilesikwilidi sakhe ukuba athathe abantwana bami ababili, babe yizigqili zakhe.

Izaga 22:7

Abanothileyo babusa abayanga, umeboleki uyisigqili somebolekisi.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

U-Isaya 58:7

Kayisikho ukuba wahlukanisanele ukudla kwakho labalambileyo, lokungenisa abayanga emzini wakho, lokwambathisa ohambaze lapho umbona, lokungacatsheli izihlobo zakho na?

UMatewu 18:25

Kodwa njengoba yayingelalutho lokuhlawula, inkosi yalaya ukuba ithengiswe lomkayo, labantwana bayo, lakho konke elakho, kuhlawulwe.