UNehemiya 5:13 - iBhayibhili Elingcwele 1978

¹³ Ngasengithintitha ingubo yami ngisithi: Ngokunjalo uNkulunkulu kathintithe bonke abantu ezindlini zabo lasemisebenzini yabo abangasenziyo lesisithembiso. Bathintithwe ngokunjalo, bachithwe. Lonke ibandla lathi: Kakube njalo. Bayidumisa iNkosi; benza njengokuthembisa kwabo.

IBhayibhili Elingcwele LesiNdebele

¹³ Njalo ngathintitha amavinqo esigqoko sami ngathi, “UNkulunkulu uzamthintitha kanje emkhupha endlini yakhe laselifeni lakhe wonke umuntu ongemi ngalesi isithembiso. Kanjalo umuntu onjalo kathintithwe achithwe!” Besizwa lokho umhlangano wonke wathi, “Ameni,” badumisa uThixo. Abantu benza njengokuthembisa kwabo.

UNehemiya 5:13 ပူးပေါင်းရင်းမြစ်များ

2 AmaKhosi 23:3

Inkosi yema ngasensikeni, yenza isivumelwano phambi kweNkosi uNkulunkulu sokuyilandela lokugcina imilayo yayo lemithetho yayo lezimiso zayo ngenhliziyo yayo yonke langomoya wayo wonke, lokwenza okutshiwo ngamazwi alesisivumelwano alotshiweyo encwadini. Bonke abantu bangena esivumelwaneni.

1 ImiLando 16:36

Kayibongwe iNkosi, uNkulunkulu kaIsrayeli, kusukela endulo kuze kube nininini. Bonke abantu basebesithi: Kakube njalo! Kayibongwe iNkosi!

UNehemiya 8:6

UEzra wayibonga iNkosi, uNkulunkulu omkhulu. Bonke abantu baphakamisa izandla zabo bathi: Kakube njalo, kakube njalo. Bakhothama, bayikhonza iNkosi bethe mbo ngobuso phansi.

AmaHubo 119:106

Ngifungile, ngaqinisa, ukugcina izimiso zakho ezilungileyo.

AmaHubo 50:14

Nikela kuNkulunkulu umnikelo wokubonga, ugcwalise izithembiso zakho koPhezukonke;

AmaHubo 76:11

Yenzani izifungo zenu eNkosini uNkulunkulu wenu, libuye lizigcwalise. Bonke abamphahlileyo kabalethe izipho kuye owesabekayo,

Izaga 28:4

Abaphula umlayo badumisa ababi, kodwa labo abagcina umlayo balwa labo.

UmTshumayeli 5:5

Kungcono ukuba ungafungi kulokufunga isifungo ungasigcwalisi.

AmaNani 5:22

Amanzi la aletha isiqalekiso kawangene kuwe, akwenze ukuba uphumise isisu. Owesifazana athi: Kakube njalo.

UMatewu 10:14

Lowo ongalamukeliyo, ongalaleli amazwi enu, kalibokuthi nxa liphuma kuleyondlu ingabe kulowomuzi, lithintithe uthuli enyaweni zenu.

Imisebenzi 13:51

Bona babathintithela uthuli lwenyawo zabo, badlulela eIkoniyuma.

Imisebenzi 18:6

Kwathi bemphikisa, bemhlambaza, wathintitha ingubo zakhe, wathi kubo: Igazi lenu kalibe phezu kwamakhanda enu; mina kangilacala; kusukela lamhla ngizakuya kwabezizwe.

1 AbaseKhorinte 14:16

Uba kungenjalo, nxa ubonga ngomoya, lowo ongafundanga angatsho kanjani ukuthi Ameni ekubongeni kwakho, lokhu engakwazi okutshoyo na?

1 USamuyeli 15:28

USamuweli wasesithi kuye: INkosi iwudabule kuwe lamuhla umbuso wakoIsrayeli, yawunika umakhelwana wakho ongumuntu ongcono kulawe.