UNehemiya 5:11 - iBhayibhili Elingcwele 1978

¹¹ Babuyiseleni abantu lamhlanje amasimu abo, lezivini zabo, lezihlahla zabo zamaoliva, lezindlu zabo, liyekele lokuthatha inzuzo yemali leyamabele leyewayini leyamafutha ebeliyizuza kubo.

IBhayibhili Elingcwele LesiNdebele

¹¹ Babuyiseleni khona manje amasimu abo, lezivini zabo, lezihlahla zabo zama-oliva kanye lezindlu zabo, njalo lenzuzo yokweboleka leyo eliyithathayo kubo, ingxenye eyodwa yekhulu emalini, emabeleni, ewayinini elitsha lemafutheni.”

UNehemiya 5:11 ပူးပေါင်းရင်းမြစ်များ

2 USamuyeli 12:6

Uzayibuyisela imvana iphindwe kane, ngoba enze lokho engabanga lesihawu.

UNehemiya 5:10

Mina uqobo lezihlobo zami kanye lezinceku zami besikade sinika abantu imali lamabele. Asiyekeleni ukwethwesa abantu ubunzima lobo.

UNehemiya 5:12

Basebesithi: Sizabuyisela konke lokhu, singabizi lutho kubo. Sizakwenza njengokutsho kwakho. Ngasengibiza abapristi ngabafungisa labo ababesenza lokho ukuba benze njengokuthembisa kwabo.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

ULukha 3:8

Thelani izithelo ezifanele ukuphenduka, lingaqali ukuthi phakathi kwenu: Silobaba uAbrahama. Ngoba ngithi kini: UNkulunkulu ulamandla okuvezela uAbrahama abantwana kulamatshe.

UDutheronomi 6:11

lezindlu ezigcwele zonke izinto ezinhle ongazigcwalisanga, lemithombo ongayimbanga, lezivini lezihlahla zamaoliva ongazihlanyelanga, ongadla kuzo usuthe,

1 USamuyeli 12:3

Sengikhonake; fakazani ngami phambi kweNkosi uNkulunkulu logcotshiweyo wayo. Ngubani engimthathele inkabi yakhe, loba ubabhemi wakhe na? Ngikhohlise bani na? Ngicindezele bani na? Ngiwamukele kubani umvuzo wokuthengwa ukuze ngivale amehlo ami ngawo na? Ngitshelani, ngizakukubuyisela kini.