UNehemiya 4:7 - iBhayibhili Elingcwele 1978

⁷ Kodwa kwathi oSanibalati loTobiya lamaArabiya lamaAmoni labaseAshidodi sebezwile ukuthi ukwakhiwa kwemiduli yaseJerusalema kuyaqhubekela phambili lokuthi izikhala seziqala ukuvaleka, bathukuthela kakhulu;

IBhayibhili Elingcwele LesiNdebele

⁷ Kodwa kwathi ukuba uSanibhalathi, loThobhiya, lama-Arabhu, lama-Amoni lamadoda ase-Ashidodi besizwa ukuthi ukuvuselelwa kwemiduli yaseJerusalema kwasekuqhubekile njalo lezikhala zazivalwa bazonda kakhulu.

UNehemiya 4:7 ပူးပေါင်းရင်းမြစ်များ

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

2 AmaKhosi 24:2

INkosi uNkulunkulu yamthumela izimpana zamaKaladiya lezamaSiriya lezamaMowabi lezamaAmoni, zahlasela koJuda ukuba zimchithe, njengelizwi leNkosi eyalikhuluma ngenceku zayo abaprofethi.

2 ImiLando 20:1

Ngemva kwalokho amaMowabi lamaAmoni labanye bamaMewuni baphuma ukuyahlasela uJehoshafati.

U-Ezra 5:8

Siyayazisa inkosi ukuthi besiselizweni lakoJuda, endlini kaNkulunkulu omkhulu. Safumanisa ukuthi iyakhiwa ngamatshe amakhulu, lokuthi sekufakwe izigodo emidulini; umsebenzi uyaqhubeka kuhle, uya phambili ngokusebenza kwabo.

UNehemiya 2:10

Kodwa kwathi lapho uSanibalati waseHoroni loTobiya inceku, umAmoni, besizwa lokhu, kwabacunula kakhulu ukuba kukhona ofikileyo ukubenzela okuhle abakoIsrayeli.

UNehemiya 2:19

Kodwa kwathi lapho uSanibalati waseHoroni loTobiya inceku, umAmoni, loGeshema umArabiya bekuzwa lokhu basihleka ulunya, baseyisa besithi: Kambe kuyini lokhu elikwenzayo na? Liyayivukela inkosi na?

UNehemiya 4:1

Kwathi uSanibalati esezwile ukuthi siyawakha umduli, wathukuthela kakhulu, wabahleka ulunya abaJuda.

UNehemiya 4:6

Sawakhake umduli, yaze yahlangana yonke ingxenye yokuphakama kwawo, ngoba abantu babezimisele ukusebenza.

UNehemiya 4:8

basebesenza icebo bonke lokuba bahlangane balwe leJerusalema, badunge phakathi kwalo.

UNehemiya 6:16

Kwathi lapho zonke izitha zethu zisizwa ngakho, lazo zonke izizwe ezisizingelezeleyo zikubona, zathi kungumsebenzi omangalisayo; zakubona ukuba lumsebenzi wenziwe ngamandla kaNkulunkulu wethu.

UJeremiya 25:20

kanye labo bonke abezizwe abaphakathi kwabo, lamakhosi wonke aselizweni leUzi, lawelizwe leFilistiya — eAshikeloni leGaza leEkroni lengcosana eAshidodi —

UJeremiya 41:10

UIshmayeli wasethumba bonke abantu ababesele eMizipa, amadodakazi enkosi labo bonke ababesele eMizipa, uNebuzaradani induna yabalindi ayebanikezele kuGedaliya indodana kaAhikamu. UIshmayeli indodana kaNethaniya wabathumba, wabasa kumaAmoni.

uAmosi 1:13

INkosi ithi: Ngenxa yeziphambeko ezinengi zamaAmoni kangiyikuwayekela, ngoba aqhaqha abesifazana abakhulelwayo eGileyadi, ukuba andise ilizwe labo.

uAmosi 1:8

Ngizakuqeda abakhileyo eAshidodi, kanye laye obusayo eAshikeloni, ngiphendukele eEkroni; labaseleyo bamaFilistiya bazabhubha; kutsho iNkosi uNkulunkulu.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

Imisebenzi 5:33

Kwathi bona sebezwile lokhu bathukuthela, bafuna ukubabulala.

Isambulo 12:17

Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.

1 USamuyeli 11:2

Kodwa uNahashi waseAmoni wathi kibo: Ngizasenzela phezu kwalokhu isivumelwano lani, ukuba ngilikhuphe amehlo enu awesokunene ukuze ngehlisele uIsrayeli wonke ihlazo.