UNehemiya 2:5 - iBhayibhili Elingcwele 1978

⁵ Ngathi enkosini: Uba kuyithokozisa inkosi, lenceku yakho isifumene umusa emehlweni akho, ngithumela koJuda emzini wamangcwaba abokhokho ukuba ngiwakhe futhi.

IBhayibhili Elingcwele LesiNdebele

⁵ yikho ngasengiyiphendula inkosi ngathi, “Aluba kungaba yikuthanda kwenkosi njalo nxa inceku yakho ifumene umusa emehlweni ayo, kayingithumele kulelodolobho elikoJuda lapho okwambelwa khona okhokho ukuze ngiyolakha kakutsha.”

UNehemiya 2:5 ပူးပေါင်းရင်းမြစ်များ

2 USamuyeli 14:22

UJowabi wasesithi mbo ngobuso phansi, wakhuleka, wayibusisa inkosi, wasesithi: Lamuhla ngiyazi ukuba ngifumene umusa emehlweni akho, nkosi yami, ngoba inkosi isizwile isicelo sami.

U-Ezra 5:17

Ngakhoke uba kulungile enkosini kakuhlolisiswe endlini yokugcina impahla zenkosi eBabiloni ukuba kubonwe ukuthi umthetho wakhutshwa yini nguKurosi inkosi ukuba kwakhiwe futhi lindlu kaNkulunkulu eJerusalema. Inkosi isitshele ekufisayo ngalindaba.

UNehemiya 2:4

Inkosi yasisithi kimi: Ukhala ngani na? Ngasengikhuleka kuNkulunkulu ophezulu.

UNehemiya 2:6

Inkosi yathi kimi, lenkosikazi ihlezi phansi kwayo: Uzahamba okwesikhathi esingakanani, ubuye nini na? Yavuma inkosi ukuba ngihambe, ngayitshela ukuba ngizahamba okwesikhathi esinganani.

U-Esta 1:19

Uba kulungile enkosini kayikhuphe umthetho wenkosi, kulotshwe emithethweni yamaPerisiya lamaMede, ungabuyi uphendulwe futhi, uthi uVashiti kasayikubuya eze enkosini uAhasuweru; inkosi inike isikhundla sakhe sobukhosikazi omunye owesifazana osifaneleyo kulaye.

U-Esta 5:8

uba ngifumene umusa emehlweni enkosi, futhi uba kukuhle enkosini ukunginika engikucelayo lengikufisayo, inkosi loHamani kabeze kusasa edilini engizakulenzela lona lina lobabili. Kusasa ngizakwenza lokho inkosi ekutshoyo.

U-Esta 7:3

Inkosikazi uEsta waphendula wathi: Uba ngifumene umusa emehlweni enkosi, loba kukuhle enkosini, isicelo sami lokuncenga kwami yikuthi mina labantu bakithi siyekelwe siphile.

U-Esta 8:5

wathi: Uba kuyithokozisa inkosi, uba ngifumene umusa emehlweni ayo, uba lokhu engikutshoyo kulungile enkosini, uba ngingamukeleka kuyo, kakulotshwe umthetho ozabuyisa incwadi ezakhutshwa nguHamani indodana kaHamedatha waseAgagi ngecebo lakhe lokubhubhisa abaJuda kuwo wonke amazwe enkosi.

Izaga 3:4

Ngalokho uzakuthandeka, uhlonitshwe, phambi kukaNkulunkulu laphambi kwabantu.

UDanyeli 9:25

Ngakhoke yazi uqedisise ukuba kusukela ekuphumeni kwelizwi ukuba kwakhiwe futhi iJerusalema kuze kube sekufikeni kogcotshiweyo, ungumbusi, kuzakuba ngamaviki ayisikhombisa. IJerusalema lizahlala lakhiwe okwamaviki angamatshumi ayisithupha lambili lilezindlela lemifolo yamanzi, kodwa kuzaba yisikhathi sokuhlupheka.

UMatewu 23:27

Maye kini babhali labaFarisi, bazenzisi! ngoba lifana lamaliba aconjiweyo, abonakala emahle ngaphandle, kanti ngaphakathi agcwele amathambo abafileyo lokungcola konke.

URuthe 2:13

Wasesithi: Ulomusa omkhulu kimi, nkosi yami, usungiduduzile, wakhuluma ngomusa encekwini yakho, loba mina ngingesiyo enye yencekukazi zakho.