UNehemiya 2:17 - iBhayibhili Elingcwele 1978

¹⁷ Ngasengisithi kibo: Liyabona inhlupheko esikiyo ukuthi iJerusalema lidilikile lamasango alo atshile. Wozani sakhe umduli waseJerusalema ukuba singabi lahlazo.

IBhayibhili Elingcwele LesiNdebele

¹⁷ Ngasengisithi kubo, “Liyalubona uhlupho esiphakathi kwalo: iJerusalema selingamanxiwa nje, lamasango alo atshisiwe ngomlilo. Wozani, siwakhe kutsha umduli weJerusalema ukuze singabi silokhu sihlaziswa.”

UNehemiya 2:17 ပူးပေါင်းရင်းမြစ်များ

U-Ezra 9:9

Ngoba siyizigqili, kanti uNkulunkulu wethu kasiyekelanga ebugqilini bethu, kodwa usenzele umusa emehlweni amakhosi asePerisiya, ukusivuselela ukuba sakhe indlu kaNkulunkulu wethu, silungise unxiwa lwayo lokusivikela koJuda laseJerusalema.

UNehemiya 1:3

Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

UNehemiya 2:13

Ngaphuma ebusuku ngeSango leSigodi, ngaqonda eMthonjeni woMgobho ngaseSangweni loMquba, ngahlola imiduli yaseJerusalema eyayidilikile lamasango ayetshiswe ngomlilo.

UNehemiya 2:16

Izinduna zazingazi ukuba bengingaphi lokuba bengisenzani. Ngangingakabatsheli abaJuda labapristi lezikhulu lezinduna kanye labanye ababezakuphatha umsebenzi.

UNehemiya 3:15

UShaluma indodana kaKolihoze, umbusi welizwe laseMizipa, wakha iSango loMthombo; walilungisa, walifulela, wamisa izivalo zalo lamabhawudo alo leminxibo yalo; wakha lomduli weChibi laseShela ngasensimini yenkosi, waze waba ngasezikhwelweni eziphuma emzini kaDavida.

AmaHubo 102:15

Izizwe zizakulesaba ibizo leNkosi, lamakhosi wonke omhlaba ubukhulu bayo.

AmaHubo 44:13

Usenze saba lihlazo kwabakhelene lathi, inhlekisa lendumazo kwabasiphahlileyo.

AmaHubo 44:14

Usenze saba yisiga phakathi kwezizwe, into yokuhlekisa phakathi kwabantu.

AmaHubo 79:12

Ubaphindisele kasikhombisa abakhelene lathi ukuthuka abakuthuka ngakho, Nkosi.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

Izililo 3:51

amehlo ami asebuhlungu ngokukhalela izintombi zomuzi wakithi.

UHezekhiyeli 5:14

Futhi ngizalichitha, ngilenze libe lihlazo phakathi kwezizwe eziliphahlileyo lakubo bonke abadlulayo.

UMikha 7:11

Kuzakufika usuku lokwakhiwa kwemiduli yakho; ngalolosuku imingcele yakho izadediselwa khatshana.

1 USamuyeli 11:2

Kodwa uNahashi waseAmoni wathi kibo: Ngizasenzela phezu kwalokhu isivumelwano lani, ukuba ngilikhuphe amehlo enu awesokunene ukuze ngehlisele uIsrayeli wonke ihlazo.