UNehemiya 2:14 - iBhayibhili Elingcwele 1978

¹⁴ Ngasengidlulela eSangweni loMthombo lasechibini lenkosi; kodwa kwakungelandawo yokudlula inyamazana engangiyigadile.

IBhayibhili Elingcwele LesiNdebele

¹⁴ Ngaqhubeka sengiqonde eSangweni loMthombo leSiziba Senkosi, kodwa kwakungelantshukuntshu yokudlula ubabhemi wami engangimgadile;

UNehemiya 2:14 ပူးပေါင်းရင်းမြစ်များ

2 AmaKhosi 18:17

Inkosi yaseAsiriya yathumela induna enkulu, lenduna yabathenwa, lenceku enkulu zilempi enkulu zisuka eLakishi ukuba ziye enkosini uHezekiya eJerusalema. Zahambake zafika eJerusalema. Sezifikile zafika zema ngasemfolweni wechibi elingaphezulu, elisemgwaqweni weNsimu yoMgezisi.

2 AmaKhosi 20:20

Ezinye indaba zikaHezekiya, lobuqhawe bakhe, lokwenza kwakhe ichibi lomfolo owaletha amanzi phakathi komuzi, kulotshiwe ogwalweni lwezindaba zamakhosi akoJuda.

2 ImiLando 32:30

Nguye lo uHezekiya owavala umthombo wamanzi angaphezulu eGihoni, wawaqondisa ngasentshonalanga komuzi kaDavida. UHezekiya waphumelela kuyo yonke imisebenzi yakhe.

UNehemiya 12:37

Bedlula iSango loMthombo, baqhubekela phambili bekhwela izinyathelo zokuya emzini kaDavida eduze lomqanso womduli womuzi, badlula indlu kaDavida, baya eSangweni laManzi ngasempumalanga.

UNehemiya 3:15

UShaluma indodana kaKolihoze, umbusi welizwe laseMizipa, wakha iSango loMthombo; walilungisa, walifulela, wamisa izivalo zalo lamabhawudo alo leminxibo yalo; wakha lomduli weChibi laseShela ngasensimini yenkosi, waze waba ngasezikhwelweni eziphuma emzini kaDavida.

UNehemiya 3:16

Ngemva kwakhe kwakha uNehemiya indodana kaAzibuki, umbusi wengxenye yelizwe laseBeti‐Zuri, waze wafika maqondana lamangcwaba kaDavida, lasechibini elimbiweyo lendlini yamaqhawe.

UmTshumayeli 2:6

Ngazenzela iziziba zokuthelela ngazo izihlahla ezikhulayo.