UNehemiya 13:16 - iBhayibhili Elingcwele 1978

¹⁶ Abantu baseTire labo ababehlala phakathi komuzi baletha inhlanzi lenhlobo zonke zempahla, bazithengisa ngeSabatha kwabakoJuda laseJerusalema.

IBhayibhili Elingcwele LesiNdebele

¹⁶ Abantu beThire ababehlala eJerusalema babeletha inhlanzi lemihlobo yonke yezimpahla bezithengisa eJerusalema ebantwini bakoJuda ngeSabatha.

UNehemiya 13:16 ပူးပေါင်းရင်းမြစ်များ

UNehemiya 13:15

Ngalezonsuku ngabona abantu bakoJuda benyathela izikhamelo zewayini ngeSabatha, bethatha lamabele amanengi, bewathwalisa obabhemi, lewayini, lezithelo zezivini lezomkhiwa, lazo zonke inhlobo zemithwalo abazingenisa eJerusalema ngeSabatha. Ngabaxwayisa mhla bethengisa ukudla.

UNehemiya 13:17

Ngazisola izikhulu zakoJuda, ngathi kuzo: Buyini lobobubi elibenzayo ngokungcolisa usuku lweSabatha na?

U-Eksodasi 20:10

kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkomo zakho lowemzini osemzini wakho.

U-Eksodasi 23:12

Ngensuku eziyisithupha uzakwenza umsebeni wakho, uphumule ngosuku lwesikhombisa, kuphumule futhi lenkabi yakho labobabhemi bakho, kuvuseleleke indodana yencekukazi yakho kanye lowezizweni.

UDutheronomi 5:14

kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkabi yakho lobabhemi wakho lezinkomo zakho, lowemzini osemzini wakho, ukuba inceku lencekukazi zakho ziphumule njengawe.