UNehemiya 13:12 - iBhayibhili Elingcwele 1978

¹² Bonke abakoJuda basebeletha okwetshumi kwamabele lokwewayini lokwamafutha eziphaleni.

IBhayibhili Elingcwele LesiNdebele

¹² Bonke abakoJuda baletha okwetshumi kwamabele, iwayini elitsha lamafutha eziphaleni.

UNehemiya 13:12 ပူးပေါင်းရင်းမြစ်များ

2 ImiLando 31:4

Yalaya abantu ababehlala eJerusalema ukuba banike abapristi lamaLevi isabelo sabo ukuze bazinikele emlayweni weNkosi.

2 ImiLando 31:5

Lowomlayo usumenyezelwe endaweni zonke, abantu bakoIsrayeli banikela kakhulu ngokwesivuno sokuqala, okwamabele lokwewayini, lokwamafutha, lokwenyosi, zonke izithelo zamasimu abo; baletha okwetshumi kwazo zonke izinto, kwaba kunengi.

UNehemiya 12:44

Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

ULevi 27:30

Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

UMalaki 3:10

Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

UMalaki 3:8

Umuntu angamphanga uNkulunkulu na? Lina liyangiphanga. Kodwa lina lithi: Sikuphanga kanjani na? Ngithi: Ngokwetshumi kwenu langeminikelo yenu.

UDutheronomi 14:22

Iminyaka ngeminyaka lizakukhupha okwetshumi kuzo zonke izithelo zenhlanyelo yenu ezivela emasimini.