UNehemiya 11:1 - iBhayibhili Elingcwele 1978

¹ Izinduna zabantu zahlala eJerusalema; abantu abaseleyo benza inkatho ukuba balethe oyedwa ebantwini bonke abalitshumi ukuhlala eJerusalema umuzi ongcwele, kuthi abaficamunwemunye etshumini bahlale kweminye imizi.

IBhayibhili Elingcwele LesiNdebele

¹ Abakhokheli babantu bafika bahlala eJerusalema. Abantu bonke basebesenzisa inkatho ukukhetha oyedwa etshumini ngalinye owayemele ayehlala eJerusalema, idolobho elingcwele, kuthi abaseleyo abayisificamunwemunye bahlale emadolobheni akibo.

UNehemiya 11:1 ပူးပေါင်းရင်းမြစ်များ

1 ImiLando 26:13

Benza inkatho ngesango ngesango ngezindlu zabo abancinyane labakhulu ngokufananayo.

1 ImiLando 8:28

Labo babeyizinhloko zezindlu, balotshwa ngezizukulwana zabo; bahlala eJerusalema.

1 ImiLando 9:1

Bonke abakoIsrayeli balotshwa ngezizukulwana zabo ogwalweni lwamakhosi akoIsrayeli; kodwa abakoJuda bathunjwa besiwa eBabiloni ngenxa yezono zabo.

1 ImiLando 9:2

Abokuqala abakha futhi elizweni labo bahlala emizini yabo babengabantu bakoIsrayeli, labapristi, lamaLevi, lezinceku zasethempelini.

1 ImiLando 9:3

Abanye bakoJuda labakoBenjamini labakoEfrayimi labakoManase bahlala eJerusalema;

UNehemiya 10:34

Thina abapristi lamaLevi labantu senzile inkatho mayelana lenkuni zeminikelo ukuba zilethwe endlini kaNkulunkulu wethu yizindlu zonke ngokuzophisana, ngezikhathi ezimisiweyo iminyaka ngeminyaka, zibaswe phezu kwealtare likaNkulunkulu wethu njengokulotshiweyo emlayweni.

UNehemiya 11:18

Wonke amaLevi ayesemzini ongcwele ayengamakhulu amabili lamatshumi aficaminwembili lane.

UNehemiya 4:22

Ngathi futhi ebantwini ngalesosikhathi: Bonke abantu lezinceku zabo kabalale phakathi kweJerusalema ukuba sivikelwe ebusuku, sisebenze emini.

AmaHubo 122:5

Kwamiswa khona izihlalo zokwahlulela, izihlalo zobukhosi zendlu kaDavida.

AmaHubo 122:6

Khulekelani ukuthula kweJerusalema, lithi: Kungathi abakuthandayo bangaphumelela!

Izaga 16:33

Inkatho yenziwa ngabantu, kodwa yiNkosi eyenza isiqumo.

U-Isaya 48:2

Kanti lizibiza ngokuthi lingabantu bomuzi ongcwele, lithembela kuNkulunkulu kaIsrayeli, obizwa ngokuthi yiNkosi yamabandla.

U-Isaya 52:1

Vuka, vuka, uhlome amandla akho, wena Ziyone! wambathe ingubo zakho ezinhle, wena Jerusalema, umuzi ongcwele! Ngoba kakusayikungena kuwe ongasokanga longcolileyo.

UMatewu 27:53

sebephumile emalibeni emva kokuvuka kwakhe, bangena emzini ongcwele, babonakala kwabanengi.

UMatewu 4:5

USathane wasemthatha wamusa emzini ongcwele; wammisa engqongeni yethempeli,

Imisebenzi 1:24

Basebekhuleka besithi: Nkosi, wena owaziyo inhliziyo zabo bonke abantu, ake utshengise ukuba nguwuphi kulaba ababili omkhethileyo

Imisebenzi 1:26

Basebebenzela inkatho; inkatho yadla uMathiyasi; wabalwa kanye labaphostoli abalitshumi lanye.

UJoshuwa 18:10

UJoshuwa wasebenzela inkatho eShilo phambi kweNkosi, wababela abakoIsrayeli ilizwe, kwaba yilowo lalowo isabelo sakhe.