UNehemiya 10:30 - iBhayibhili Elingcwele 1978

³⁰ Kasiyikwendisela abantu balelilizwe amadodakazi ethu loba sithathele amadodana ethu amadodakazi abo.

IBhayibhili Elingcwele LesiNdebele

³⁰ Sithembisa ukuthi kasiyikwendisa amadodakazi ethu ebantwini esakhelene labo loba sithathele amadodana ethu amadodakazi abo.

UNehemiya 10:30 ပူးပေါင်းရင်းမြစ်များ

2 AmaKhosi 23:25

Ngaphambi kwakhe kakubanga khona inkosi eyafanana laye eyaphendukela eNkosini uNkulunkulu ngenhliziyo yayo yonke langomoya wayo wonke langamandla ayo wonke, yalandela wonke umlayo kaMose. Futhi kakuvelanga enye inkosi ngemva kwakhe eyafanana laye.

2 AmaKhosi 23:3

Inkosi yema ngasensikeni, yenza isivumelwano phambi kweNkosi uNkulunkulu sokuyilandela lokugcina imilayo yayo lemithetho yayo lezimiso zayo ngenhliziyo yayo yonke langomoya wayo wonke, lokwenza okutshiwo ngamazwi alesisivumelwano alotshiweyo encwadini. Bonke abantu bangena esivumelwaneni.

2 ImiLando 34:31

Inkosi yema endaweni yayo, yenza isivumelwano phambi kweNkosi ukuba izayilalela, igcine imilayo yayo lemithetho yayo ngenhliziyo yayo yonke langomoya wayo wonke, yenze okutshiwo ngamazwi esivumelwano ayelotshiwe kulolugwalo.

UNehemiya 10:1

Labo abafaka uphawu lwabo kulesisivumelwano babengoNehemiya umbusi indodana kaHakaliya loZedekiya

UNehemiya 13:23

Langalezonsuku ngafumana abaJuda ababethethe abafazi baseAshidodi labaseAmoni labaseMowabi;

UNehemiya 13:25

Ngaphikisana labo, ngabaqalekisa, ngatshaya abanye babo, ngangcothula inwele zabo; ngabafungisa ngebizo likaNkulunkulu ukuba bathi: Kasisayikwendisela amadodakazi ethu amadodana abo, loba sithathele amadodana ethu amadodakazi abo, ingabe sizithathele thina.

UNehemiya 13:30

Ngabahlambulula ngokunjalo kukho konke okwezizweni, ngamisa imisebenzi yabapristi lamaLevi, ngabanika bonke imisebenzi yabo;

UNehemiya 5:12

Basebesithi: Sizabuyisela konke lokhu, singabizi lutho kubo. Sizakwenza njengokutsho kwakho. Ngasengibiza abapristi ngabafungisa labo ababesenza lokho ukuba benze njengokuthembisa kwabo.

AmaHubo 119:106

Ngifungile, ngaqinisa, ukugcina izimiso zakho ezilungileyo.

U-Eksodasi 34:16

ungawathatheli amadodana akho amadodakazi abo; ngoba lapho amadodakazi abo ephinga labonkulunkulu babo, azakwenza amadodana akho ukuba aphinge kanye lawo.

UDutheronomi 29:11

labantwana benu, labomkenu, labemzini abasezihonqweni zenu abalibandela inkuni labalikhela amanzi,

UDutheronomi 7:3

Ungathathani lazo, ungendiseli amadodana azo amadodakazi akho; futhi ungawathatheli amadodana akho amadodakazi azo.