UNehemiya 1:9 - iBhayibhili Elingcwele 1978

⁹ kodwa uba libuya kimi, lilondoloza imilayo yami liyenze, lanxa abachithiweyo benu besemaphethelweni omhlaba, ngizababutha lapho ngibabuyise endaweni engiyikhethele ukuba ibizo lami lidunyiselwe kiyo.

IBhayibhili Elingcwele LesiNdebele

⁹ kodwa nxa libuya kimi lilalele imilayo yami, lapho-ke loba abathunjiweyo bakini besemkhawulweni womhlaba, ngizabaqoqa besuka khonale ngibabuyise endaweni engiyikhethileyo ukuba likhaya leBizo lami.

UNehemiya 1:9 ပူးပေါင်းရင်းမြစ်များ

1 AmaKhosi 8:48

baphenduke ngengqondo zabo zonke langenhliziyo zabo zonke elizweni lezitha zabo ezibathumbileyo, bakhuleke bekhangele ngaselizweni labo owalinika okhokho babo, lasemzini owawukhethayo, lasendlini engikwakhele yona,

1 AmaKhosi 9:3

yathi kuye: Ngizwile ukukhuleka kwakho lokucela kwakho okwenzileyo phambi kwami. Sengiyenze yaba ngcwele lindlu oyakhileyo ukuba ibizo lami lidunyiselwe khona kuze kube nininini; amehlo ami lenhliziyo yami kuzakuba kuyo isikhathi sonke.

1 ImiLando 16:35

Lithi futhi: Sikhulule, Nkulunkulu mkhululi wethu, usibuthe usikhulule phakathi kwezizwe, ukuba sibonge ibizo lakho elingcwele, sithabe ekukudumiseni.

U-Ezra 6:12

UNkulunkulu obizo lakhe lizadunyiselwa kuleyondawo achithe inkosi loba abantu abaguqula lokhu, badilize lendlu kaNkulunkulu eseJerusalema. Mina Dariyu, ngiyakumisa lokhu, kakwenziwe konke.

AmaHubo 106:47

Sikhulule, Nkosi Nkulunkulu wethu, usibuthe ezizweni, ukuba sidumise ibizo lakho elingcwele, sithabe ekukudumiseni.

AmaHubo 107:3

yababutha emazweni, empumalanga lasentshonalanga, enyakatho laseningizimu.

AmaHubo 147:2

INkosi iyalakha iJerusalema, iqoqe bonke abahlakazekileyo bakoIsrayeli.

U-Isaya 11:12

Izakuziphakamisela uphawu izizwe, ibuthe abaxotshiweyo bakoIsrayeli labahlakazekileyo bakoJuda, ibabuthe ezingonsini zozine zomhlaba.

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

U-Isaya 56:8

INkosi uNkulunkulu ebuyisa abathunjiweyo bakoIsrayeli ithi: Ngisezakubuyisa abanye futhi ngaphandle kwalabo asebebuyisiwe.

UJeremiya 12:15

Ngemva kokubasiphuna kwami, ngizabuya ngibe lesihawu kubo, ngibabuyise futhi kube yilowo lalowo endaweni yakhe lelizweni lakibo.

UJeremiya 3:14

Buyani, bantwana abangathembekanga, kutsho iNkosi; ngoba ngiyinkosi yenu. Ngizalithatha, abe munye emzini, babe babili kulo usendo, ngililethe eZiyone.

UJeremiya 31:10

Zwanini ilizwi leNkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzakumbutha, amaluse njengomalusi eselusa umhlambi wakhe.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UJeremiya 6:22

INkosi ithi: Khangela, abantu bayeza bevela elizweni elisenyakatho, isizwe esikhulu siyavuka endaweni ezikhatshana zomhlaba.

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

ULevi 26:3

Uba lihamba ngezimiso zami, ligcine imilayo yami, liyenze,

UZakhariya 8:7

Ngizakhulula abantu bami elizweni lasempumalanga laselizweni lasentshonalanga,

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

UDutheronomi 12:21

Uba indawo iNkosi uNkulunkulu wenu ezakuyikhetha ukuba ibizo layo lidunyiselwe kiyo ikhatshana lani, lingahlaba enkomeni zenu loba ezimvini zenu iNkosi elinike zona, njengokulilaya kwami, lidlele emizini yenu lize lisuthe.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 30:1

Lapho zonke izinto lezi sezehlele phezu kwenu, isibusiso lesiqalekiso engizibekileyo phambi kwenu, lizikhumbule phakathi kwezizwe zonke lapho iNkosi uNkulunkulu wenu elixotshele khona,