UNehemiya 1:4 - iBhayibhili Elingcwele 1978

⁴ Kwathi ngisizwa lamazwi ngahlala phansi ngakhala, ngalila insuku ezinengi, ngizila ukudla, ngikhuleka kuNkulunkulu ophezulu.

IBhayibhili Elingcwele LesiNdebele

⁴ Ngathi sengizwile lezizinto ngahlala phansi ngakhala. Okwensuku ezithile ngalila, ngazila ukudla njalo ngikhuleka phambi kukaNkulunkulu wasezulwini.

UNehemiya 1:4 ပူးပေါင်းရင်းမြစ်များ

2 USamuyeli 12:16

UDavida wamkhulekela kuNkulunkulu umntwana; wazila ukudla, wangena walala phansi ubusuku bonke.

2 AmaKhosi 22:19

Njengoba uzwile amazwi ami, lenhliziyo yakho idabukile, wazithoba phambi kwami nxa usizwa engikutshoyo ngalindawo langabakhileyo kiyo ukuba bazakuchitheka babe yisiqalekiso, wadabula izigqoko zakho, wakhala phambi kwami, ngakho lami ngikuzwile, kutsho iNkosi;

2 ImiLando 6:13

Wayenze ithala lethusi, ubude balo buzingalo ezinhlanu, lobubanzi balo buzingalo ezinhlanu, ukuphakama kwalo kuzingalo ezintathu, walibeka egumeni. Wema phezu kwalo, waguqa ngamadolo phambi kwalo lonke ibandla lakoIsrayeli, waphakamisela izandla zakhe phezulu,

U-Ezra 1:2

Nanti ilizwi likaKurosi inkosi yasePerisiya, lithi: INkosi, uNkulunkulu ophezulu, enginikileyo yonke imibuso yomhlaba, ingilayile ukuyakhela indlu eJerusalema koJuda.

U-Ezra 10:1

UEzra esakhuleka evuma izono, ekhala eziwisela phansi phambi kwendlu kaNkulunkulu, ixuku elikhulu labantu abesilisa labesifazana labantwana babuthana kuye, livela kuye wonke uIsrayeli, ngoba abantu bakhala kakhulu.

U-Ezra 9:3

Kwathi ngisizwa lokho ngadabula ingubo zami lesigqoko sami, ngangcothula inwele ekhanda lami lendevu zami, ngahlala phansi ngathithibala.

U-Ezra 9:5

Ngesikhathi somnikelo wakusihlwa ngasukuma ekuzileni kwami ukudla, ingubo yami lesigqoko sami kudabukile, ngaguqa ngamadolo ami, ngaphakamisela izandla zami eNkosini uNkulunkulu wami,

UNehemiya 2:20

Mina ngathi kibo: UNkulunkulu ophezulu uzasiphumelelisa; lathi esiyizinceku zakhe sizasuka sakhe; kodwa lina kalilasabelo lelungelo lesikhumbuzo eJerusalema.

UNehemiya 2:4

Inkosi yasisithi kimi: Ukhala ngani na? Ngasengikhuleka kuNkulunkulu ophezulu.

AmaHubo 102:15

Izizwe zizakulesaba ibizo leNkosi, lamakhosi wonke omhlaba ubukhulu bayo.

AmaHubo 136:26

Bongani uNkulunkulu wezulu, ngoba uthando lwakhe olungapheliyo lumi kuze kube nininini.

AmaHubo 137:1

Ngasemifuleni yaseBabiloni sahlala phansi sakhala, lapho sikhumbula iZiyone.

UDanyeli 10:2

Ngalezonsuku, mina Daniyeli ngangilila okwamaviki amathathu.

UDanyeli 2:18

wabatshela ukuba bacele isihawu sikaNkulunkulu ophezulu ngalimfihlakalo, ukuze uDaniyeli kanye labangane bakhe bangabhujiswa kanye labo bonke abahlakaniphileyo baseBabiloni.

UDanyeli 9:3

Ngasengikhuleka eNkosini uNkulunkulu, ngayincenga, ngizila ukudla, ngigqoke izambatho zokulila, ngihlezi esilotheni.

UJona 1:9

Yena wathi kibo: NgingumHeberu, ngikhonza iNkosi uNkulunkulu wezulu owenza ulwandle lomhlabathi owomileyo.

UZefaniya 3:18

njengasosukwini lomkhosi. Ngizasusa inhlupheko zakho ukuba ungathwali ihlazo.

AbaseRoma 12:15

Thokozani kanye labathokozayo, likhale labakhalayo.