UNehemiya 1:10 - iBhayibhili Elingcwele 1978

¹⁰ Nkosi, bona bazinceku zakho labantu bakho owabahlenga ngamandla akho amakhulu langesandla sakho esilamandla.

IBhayibhili Elingcwele LesiNdebele

¹⁰ Bazinceku zakho labantu bakho owabahlengayo ngamandla akho amakhulu lesandla sakho esilamandla.

UNehemiya 1:10 ပူးပေါင်းရင်းမြစ်များ

AmaHubo 136:12

ngesandla esilamandla langengalo elamandla, ngoba uthando lwayo olungapheliyo lumi kuze kube nininini;

AmaHubo 74:2

Khumbula ibandla lakho owalikhetha endulo, abantu owabahlenga baba ngabakho, lentaba yaseZiyone ohlala kuyo.

AmaHubo 89:14

Ukulunga lokwahlulela kuyisisekelo sombuso wakho; uthando olungapheliyo lobuqotho kuhamba phambi kwakho.

U-Eksodasi 13:14

Lapho amadodana enu elibuza ngesikhathi esizayo esithi: Kutshoni lokhu na? lizakuthi kuwo: Ngamandla esandla iNkosi yasikhupha eGibithe, endaweni yobugqili.

U-Eksodasi 13:16

Kuzakuba luphawu ezandleni zenu lesikhumbuzo emabunzini enu, ngoba ngamandla esandla sayo iNkosi yasikhupha eGibithe.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 13:9

Lokhu kuzakuba luphawu ezandleni zenu lesikhumbuzo emabunzini enu, ukuze umlayo weNkosi ube semilonyeni yenu; ngoba ngesandla esilamandla iNkosi ilikhuphile eGibithe.

U-Eksodasi 15:13

Ngomusa wakho ubaholile abantu obahlengileyo, ngamandla akho wabaholela endaweni yakho engcwele.

U-Eksodasi 32:11

Kodwa uMose wayincenga iNkosi uNkulunkulu wakhe wathi; Nkosi, ulaka lwakho lubavuthelelani abantu bakho owabakhupha elizweni laseGibithe ngamandla amakhulu langesandla esiqinileyo na?

U-Eksodasi 6:1

Kodwa iNkosi yathi kuMose: Khathesi uzakubona lokho engizakukwenza kuFaro; ngenxa yesandla esilamandla uzakubayekela ukuba bahambe, abaxotshe elizweni lakhe ngesandla esiqinileyo.

U-Eksodasi 6:6

Ngakhoke tshono kwabakoIsrayeli ukuthi: NgiyiNkosi; ngizalikhupha ekucindezelweni kwenu ngamaGibithe; ngilikhulule ebugqilini benu, ngilihlenge ngengalo elamandla langezenzo ezinkulu zokwahlulela.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

U-Isaya 64:9

Ungathukutheli kakhulu, Nkosi, ungakhumbuli ububi kokuphela. Khumbula ukuba thina sonke singabantu bakho.

UDutheronomi 15:15

Uzakhumbula ukuthi lawe wawuyisigqili elizweni laseGibithe, lokuthi iNkosi uNkulunkulu wakho yakuhlenga. Ngalokho ngiyakulaya lamuhla.

UDutheronomi 9:29

Ngoba bangabantu bakho abayisizwe sakho, owabakhupha ngamandla akho amakhulu langengalo yakho elamandla.