UmTshumayeli 9:7 - iBhayibhili Elingcwele 1978

⁷ Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

IBhayibhili Elingcwele LesiNdebele

⁷ Hamba nje uyezidlela ukudla kwakho uchelesile, unathe iwayini lakho ngenhliziyo emhlophe, ngoba uNkulunkulu usakuvumele okwamanje.

UmTshumayeli 9:7 ပူးပေါင်းရင်းမြစ်များ

UGenesisi 12:19

Utsholoni ukuthi ungudadewenu, ngize ngimthathe abe ngumkami na? Ngakho nangu umkakho; mthathe uhambe.

1 AmaKhosi 8:66

Ngosuku lwesificaminwembili uSolomoni wabadabulela abantu; bambonga, baya emizini yabo bethokoza bejabula enhliziyweni ngakho konke okuhle iNkosi uNkulunkulu eyayikwenzele uDavida inceku yayo loIsrayeli abantu bayo.

UmTshumayeli 10:19

Ukudla kwenzelwe ukuhleka, lewayini lithokozisa ukusila; ngemali umuntu angazuza konke.

UmTshumayeli 11:8

Uba umuntu ehlala iminyaka eminengi, kathokoze ngayo yonke; kodwa kakhumbule insuku zomnyama zizakuba zinengi. Konke okuzayo kulize.

UmTshumayeli 5:18

Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

UmTshumayeli 7:14

Thokoza ngosuku lokuphumelela, ngosuku olubi ukhumbule ukuthi uNkulunkulu uzenzile zonke ukuze umuntu angakuboni okuzakwenzeka ngensuku ezizayo.

UmTshumayeli 8:15

Ngakho ngibabaza ukuzithokozisa; ngoba umuntu kalalutho oluhle ngaphansi kwelanga kuphela ukudla lokunatha, azithokozise, ngoba lokhu kuzakuba laye ekutshikatshikeni kwakhe ensukwini zokuphila kwakhe uNkulunkulu amnike zona ngaphansi kwelanga.

AmaNani 6:20

umpristi akuzunguze kube ngumnikelo wokuzunguzwa phambi kweNkosi; ngoba kuyisabelo esingcwele sompristi kanye lesifuba esizunguziweyo lomlenze onikelweyo. Emva kwalokhu umNaziri anganatha iwayini.

UMakho 7:29

Wathi kuye: Ngenxa yalokhukutsho, hambake; umoya omubi uphumile endodakazini yakho.

ULukha 11:41

Kodwa phanini kube yiziphiwo lezozinto ezingaphakathi; khangelanike, konke kuzakuhlambuluka kini.

UJohane 4:50

UJesu wathi kuyo: Hamba, indodana yakho izakusila. Indoda yakholwa ilizwi uJesu alikhuluma kuyo, yasuka yahamba.

Imisebenzi 10:35

kodwa ezizweni zonke omesabayo lowenza ukulunga uyamukeleka kuye.

UDutheronomi 12:12

Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.

UDutheronomi 12:7

lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho.

URuthe 3:7

Kwathi lapho uBowasi esedlile wanatha, waba lomdlozela, wasuka wayalala phansi ekucineni kwenqumbi yamabele. URuthe wasenyenya, wambula inyawo zakhe, walala phansi.