UmTshumayeli 9:15 - iBhayibhili Elingcwele 1978

¹⁵ Kwatholakala phakathi kwawo umuntu ohlakaniphileyo ongumyanga, yena ngokuhlakanipha kwakhe wawakhulula lowomuzi. Kanti kakho owake wamkhumbula lowomuntu ongumyanga.

IBhayibhili Elingcwele LesiNdebele

¹⁵ Kulelodolobho kwakuhlala indoda ethile engesulutho kodwa ihlakaniphile, ngakho yawusindisa umuzi lowo ngokuhlakanipha kwayo. Kodwa kakho loyedwa owaphinde wayikhumbula leyondoda eyayingebani.

UmTshumayeli 9:15 ပူးပေါင်းရင်းမြစ်များ

UGenesisi 40:23

Kodwa induna yabaphathizitsha kayikhumbulanga uJosefa, yamkhohlwa.

2 USamuyeli 20:22

Owesifazana wasesiya ngokuhlakanipha kwakhe ebantwini bonke. Basebemquma ikhanda uSheba indodana kaBikiri, baliphosela ngaphandle kuJowabi. Yena wakhalisa uphondo, impi yonke yahlakazeka kulowomuzi, bonke baya emakhaya abo. UJowabi wabuyela enkosini eJerusalema.

Izaga 21:22

Ohlakaniphileyo anganqoba umuzi wamaqhawe, adilizele phansi inqaba ayithembileyo.

UmTshumayeli 2:16

Ukukhunjulwa komuntu ohlakaniphileyo lokwesithutha kakuhlali kokuphela; ensukwini ezizayo bobabili bazabe sebekhohlakele. Ohlakaniphileyo loyisithutha bayafa.

UmTshumayeli 4:13

Umfana ongumyanga ohlakaniphileyo ungcono kulenkosi endala eyisithutha engasavumi ukwelulekwa,

UmTshumayeli 7:19

Ukuhlakanipha kuyamqinisa ohlakaniphileyo ukwedlula ababusi abalitshumi abaphakathi komuzi.

UmTshumayeli 8:10

Ngasengibona abantu ababi bengcwatshwa, labantu abavela emangcwabeni bebabuka emzini lapha babesenza khona okubi. Lokho lakho kulize.