UmTshumayeli 9:11 - iBhayibhili Elingcwele 1978

¹¹ Ngabuya ngabona ngaphansi kwelanga ukuthi umuntu olejubane kaphumeleli insuku zonke emjahweni, lamaqhawe alemandla kawanqobi empini insuku zonke; futhi ukudla kakusikho okwabahlakaniphileyo kokuphela, lenotho kayisiyo eyabalolwazi kokuphela, lokuphumelela kakusikho okwengcitshi kokuphela, ngoba isikhathi lethuba kubusa konke.

IBhayibhili Elingcwele LesiNdebele

¹¹ Ngikubonile okunye njalo ngaphansi kwelanga: Ukutshiya abanye kakuyi ngesiqubu kumbe ukunqoba impi kuye ngamandla; kakutsho ukuthi ukudla kuya kwabahlakaniphileyo kumbe inotho kwabakhaliphileyo loba okuhle kwehlele abafundileyo; kodwa kuya ngesikhathi langenhlanhla kubani lobani.

UmTshumayeli 9:11 ပူးပေါင်းရင်းမြစ်များ

2 USamuyeli 17:14

UAbisalomu labo bonke abantu bakoIsrayeli bathi: Ukweluleka kukaHushayi waseArki kungcono kulokukaAhithofeli. Ngoba iNkosi uNkulunkulu yayimisile ukuba kudilizwe ukweluleka okuhle kukaAhithofeli ukuze imehlisele okubi uAbisalomu.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

2 ImiLando 20:15

Wathi: Lalelani lina lonke abakoJuda labaseJerusalema, lawe nkosi Jehoshafati; iNkosi ithi: Lingesabi litshaywe luvalo ngenxa yalimpi enkulu, ngoba ukulwa kakusikho okwenu, kungokukaNkulunkulu.

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

AmaHubo 76:5

Baphangiwe abalesibindi, balele ubuthongo; wonke amadoda empi ahlulekile ukusebenzisa izandla zawo.

Izaga 1:5

Uba ohlakaniphileyo elalela, uzaqhubeka ekufundeni, loqedisisayo uzakuba lokwazi

UmTshumayeli 2:12

Ngasengizimisela ukuba ngihlole ukuhlakanipha lokuhlanya lobuthutha. Ngoba angenzani umuntu othatha isikhundla senkosi na? Angenza kuphela lokho osekwenziwe.

UmTshumayeli 3:14

Ngiyazi ukuthi konke uNkulunkulu akwenzayo kuhlala kokuphela; kakukho okwengezelelwa kukho lokuphungulwa kukho; uNkulunkulu wakwenza kwaba njalo ukuze umuntu esabe phambi kwakhe.

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

UmTshumayeli 4:4

Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.

UmTshumayeli 7:13

Nakana ngomsebenzi kaNkulunkulu; ngubani ongelula lokho uNkulunkulu akugobisileyo na?

UmTshumayeli 9:2

ngoba ukuphela kwabo kunye, kolungileyo lomubi, komuhle longalunganga, kohlambulukileyo longahlambulukanga, konikela imihlatshelo longayinikeliyo. Umuntu olungileyo uyafanana lesoni, lofungayo uyafanana longathandi ukufunga.

UmTshumayeli 9:3

Yilobu ububi obukukho konke okwenziwa ngaphansi kwelanga ukuba ukuphela kwabo bonke kunye, futhi lenhliziyo zabantu zigcwele ububi, lobuhlanya busenhliziyweni zabo besaphila, ngemva kwalokhu baya kwabaphansi.

UJeremiya 46:6

Olejubane kalakubaleka, leqhawe kalilakuphunyuka; ngasenyakatho eceleni komfula iYufrathi bakhubekile, bawa.

UJeremiya 48:14

Lingatsho kanjani ukuthi: Singamaqhawe lamadoda empi alamandla?

UJeremiya 9:23

INkosi ithi: Ohlakaniphileyo angazincomi ngokuhlakanipha kwakhe, leqhawe lingazincomi ngobuqhawe balo, lonothileyo angazincomi ngokunotha kwakhe;

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

Abase-Efesu 1:11

KuKristu thina sabelwa ilifa, esamiselwa lona ngaphambili ngokwecebo lakhe osebenzayo ezintweni zonke ngokwentando yakhe,

UDutheronomi 8:17

Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.

UDutheronomi 8:18

Khumbulani iNkosi uNkulunkulu wenu, ngoba yiyo elinika amandla okuzuza imfuyo, ukuba iqinise isivumelwano sayo eyasifunga kubokhokho benu njengokwenza kwayo lamhla.

1 USamuyeli 17:50

UDavida wamahlula umFilistiya ngesavutha langelitshe, wamtshaya, wambulala engaphathanga mhedla esandleni.

1 USamuyeli 6:9

Liqapheleke; aluba ihamba ngendlela eya elizweni lawo eqonda eBeti‐Shemeshi, viyo iNkosi esenzele lobububi obukhulu; kodwa uba kungenjalo, sizakwazi ukuthi kakusiso isandla sayo esisitshayileyo, sehlelwe yingozi nje.