UmTshumayeli 9:10 - iBhayibhili Elingcwele 1978

¹⁰ Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

IBhayibhili Elingcwele LesiNdebele

¹⁰ Lokho isandla sakho esingakwenza kwenze ngamandla akho wonke, ngoba engcwabeni lapho oya khona akusetshenzwa, akulakulungiselela, kakulalwazi kumbe ukuhlakanipha.

UmTshumayeli 9:10 ပူးပေါင်းရင်းမြစ်များ

UGenesisi 37:35

Wonke amadodana akhe lamadodakazi akhe eza ukumduduza, kodwa wala ukududuzwa, ngoba wathi: Ngizakwehlela endaweni yabafileyo endodaneni yami ngilila. Uyise wamlilela.

1 ImiLando 22:19

Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

UNehemiya 2:12

Ngavuka ebusuku kanye lamadoda athile ayingcosana; kangitshelanga muntu ngalokho uNkulunkulu wami ayekufake enhliziyweni yami ukuba ngikwenzele iJerusalema. Ngangingelanyamazana ngaphandle kwaleyo engangiyigadile.

UNehemiya 4:2

Wathi phambi kwabakibo laphambi kwempi yaseSamariya: LababaJudanyana bathi benzani na? Bathi bazayilungisa indawo na? Bathi bazanikela umnikelo, bawuqede umsebenzi ngasuku lunye na? Bangenza amatshe yini ngezinqwaba zengcekeza, layo ingetshileyo na?

UNehemiya 4:6

Sawakhake umduli, yaze yahlangana yonke ingxenye yokuphakama kwawo, ngoba abantu babezimisele ukusebenza.

UJobe 10:21

ngingakayi lapho ngingasayikubuya khona, elizweni lomnyama lethunzi lokufa,

UJobe 10:22

elizweni lomnyama lesivubevube lapho ukukhanya kunjengomnyama.

UJobe 21:13

Baqeda insuku zabo ngokuhle, behlele endaweni yabafileyo ngokuthula.

AmaHubo 6:5

Ngoba kakukho ukukukhumbula wena ekufeni; ngubani ongakubonga endaweni yabafileyo na?

Izaga 3:28

Ungatsho kumakhelwana wakho ukuthi: Buya kusasa, ngizakukunika khona; lapho ulakho.

UmTshumayeli 11:3

Uba amayezi egcwele izulu, ayalinisela emhlabeni; uba isihlahla siwela ngaseningizimu ingabe ngasenyakatho, endaweni lapho siwela khona sizakulala khonapho.

UmTshumayeli 11:6

Hlanyela inhlanyelo yakho ekuseni, lantambama ungayekeli ukusebenza; ngoba kawazi ukuba yiphi ezaphumelela, le ingabe leyana, loba zombili zizaba zinhle.

U-Isaya 38:10

Ngathi: Ngisephakathi kokuphila kwami ngizadlula, ngingene emasangweni endawo yabafileyo, ngilahlekelwe yiminyaka yami esaseleyo.

UJeremiya 29:13

Lizakungidinga, lingifumane; lapho lingifunisisa ngayo yonke inhliziyo yenu,

AmaNani 13:30

UKalebi wacela abantu phambi kukaMose ukuba balalele, wathi: Asihambeni khathesi, silithumbe ilizwe, ngoba impela silamandla okulinqoba.

UMatewu 20:7

Bathi kuye: Ngoba kasiqatshwanga muntu. Wathi kubo: Yanini lani esivinini.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

UJohane 4:34

UJesu wathi kibo: Ukudla kwami kuyikwenza intando yongithumileyo, lokuqeda umsebenzi wakhe.

UJohane 5:4

Ngoba isithunywa seNkosi sasisehlela echibini ngezikhathi ezithile, sizamazamise amanzi, kuthi lowo ongene kuqala emva kokuzanyazanyiswa kwamanzi asiliswe esifweni sakhe, loba elesifo sini.]

UJohane 9:4

Kufanele sisebenze imisebenzi yongithumileyo kusesemini; ubusuku buyeza lapho kungesebenze muntu.

AbaseRoma 12:11

Khuthalani lingadinwa; livuthe emoyeni; likhonze iNkosi.

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

1 AbaseKhorinte 16:10

Nxa uTimothi efika, kalibobona ukuthi uhlala lani engesabi lutho, ngoba usebenza umsebenzi weNkosi njengami.

1 AbaseKhorinte 9:24

Kalazi yini ukuthi bonke abagijima ngokuncintisana bagijima bonke, kodwa munye owamukela umvuzo. Ngakhoke gijimani ngokunjalo, ukuze lamukele umvuzo.

1 AbaseKhorinte 9:26

Minake kangigijimi ngokungathi kangiqondanga lutho; kangitshayi nje ngokungathi ngitshaya umoya.

Abase-Efesu 5:16

lisebenzise wonke amathuba, ngoba insuku zimbi.

AbaseKholose 3:23

Konke elikwenzayo kwenzeni ngenhliziyo kungathi likwenzela iNkosi, atshi abantu,

1 USamuyeli 10:7

Kuzakuthi lapho lezizibonakaliso zikufikela, wenze lokho okufanele lesosikhathi; uNkulunkulu uzakuba lawe.